OnePlus e kuptoi se versioni i parë i orave smart që prodhuan ishte me të vërtetë jo i mirë. U deshën pothuajse 3 vite që kompania të vinte me një produkt të përmirësuar ndjeshëm, si OnePlus Watch 2.
Kjo orë inteligjente është prezantuar gjatë MWC 2024, ku Geek Room dhe Neptun janë të pranishëm për të informuar ndjekësit me inovacionet më të reja teknologjike, dhe do të kushtojë $299.99.
Pjesa më interesante e kësaj ore është se do të fuqizohet nga sistemi operativ i Google, WearOS 4, i cili në bashkëpunim me arkitekturën e re me 2 procesorë të veçantë dhe baterinë 500mAh do të bëjë të mundur që bateria të zgjasë deri në 100 orë me një karikim të vetëm. Dy procesorët e përfshirë janë Qualcomm Snapdragon W5, i cili do të kryejë detyrat më intensive dhe BES 2700 MCU që do të kujdeset për aktivitetin në sfond të aplikacioneve.
Megjithatë bateria do të zgjasë 100 orë vetëm nëse ju e përdorni në “Smart Mode”, me always-on display të fikur dhe aktivitet GPS për vetëm 30 minuta. Në rastet kur AOD është aktiv, bateria zgjat deri në 48 orë. Ora mbështet gjithashtu karikimin e shpejtë dhe mund të konfigurohet me deri në 2GB RAM dhe 32 GB memorie të brendshme.
:format(webp)/cdn.vox-cdn.com/uploads/chorus_asset/file/25301212/Render_8.jpg)
Për sa i përket shërbimeve të shëndetit dhe fitnesit, OnePlus Watch 2 mund të gjurmojë më tepër se 100 sporte. Ora ka një sensor optik me 8 kanale për rrahjet e zemrës dhe shërbime të tjera të shëndetit, si dhe dual-frequency GPS, që regjistron akoma më mirë vendndodhjen tuaj në terren të vështira si përshembull pyjet.
