Teknologjia e gomave Michelin pa ajër është raportuar për herë të parë para 16 vitesh. Avantazhet e kësaj gome janë plotësisht të qarta: ju nuk do të ndaloheni më nga një shpim në gomën tuaj normale (Michelin tregon se 200.000 goma hidhen vetëm për shkak të këtij fenomeni).
Gjithashtu ju nuk do të keni nevojë të kontrolloni presionin e gomave në makinën tuaj, e cila ju kursen kohë dhe ju mbron gomën nga konsumimi i tepërt kur ecni me një gomë të shfryrë. Performanca e këtyre gomave është e njejtë me teknologjinë e vjetër, madje është përmirësuar në disa aspekte.
Ju mund të kontrolloni fortësinë e tyre kur ecni, kur frenoni, ktheheni dhe kur kaloni mbi pengesat në rrugë. Karakteristikat e kalimit mbi pengesat në rrugë mund të përdoren dhe për të eleminuar nevojën për sistemin e amortizatorëve.
Avantazhe të tjera të kësaj gome janë përfshirja e më pak materialeve dhe kërkimi i më pak energjie për t’u prodhuar, duke i bërë gomat më miqësore për mjedisin, por nuk duhet harruar avantazhi kryesor: ato kanë jetëgjatësi rreth 3 herë më të gjatë se gomat normale.
Nuk ka qenë e lehtë për të reklamuar këtë teknologji të gomave, janë dashur 16 vite për të krijuar këtë koncept në publikun e gjerë. General Motors do të fillojë ofrimin e tyre si një opsion në makinat që do të shiten nga viti 2024, sapo të merren aprovimet e duhura nga rregullatorët amerikanë.
