Mediatek prezantoi zyrtarisht procesorin e tij të ri Helio G100 tetë ditë debutimit të platformës së re për smartphone Tecno Camon 30S Pro. Specifikimet e detajuara të ndara nga Mediatek zbulojnë se Helio G100 është praktikisht identik me Helio G99 kur bëhet fjalë për CPU dhe GPU. Ndryshimi më i dukshëm është mbështetja e shtuar për kamerat kryesore 200 MP.
Mediatek G100 ka një CPU me tetë bërthama me dy bërthama Cortex-A76 2.2 GHz dhe gjashtë njësi Cortex-A55 2.0 GHz. Ai përdor RAM LPDDR4X dhe hapësirë ruajtëse UFS 2.2, ndërsa rezolucioni maksimal i ekranit është 2,520 x 1,080 piksele.
Helio G99 është një zgjedhje mjaft e zakonshme për kategoritë e smartphone-ve midrange pasi vjen me çmim më të ulët sesa çipet me performancë të përafërt Dimensity. Kuptohet që kamerat kanë evoluar që nga viti 2022, dhe kjo është arsyeja pse Helio G100 tani mbështet kamerat 200 MP.
Ai gjithashtu lejon regjistrimin e dyfishtë 16 + 16 MP dual shooting dhe regjistrim video 32 MP @ 30 fps, mirëpo këto ishin të pranishme dhe në G99. Çipi i ri sjell gjithashtu të ashtuquajturin “Elevator Mode“, i cili premton të rivendosë shpejt lidhjen celulare kur del nga hapësira pa valë, si tunele ose ashensorë.
Helio G100 mbështet SIM të dyfishtë 4G me VoLTE dhe ViLTE. Është e qartë se Mediatek tashmë i ka furnizuar disa klientë me Helio G100, kështu që ne mund të presim të shohim më shumë telefona me të në javët dhe muajt e ardhshëm.
