Një ekip nga Universiteti Martin Luther Halle-Wittenberg, Johannes Gutenberg University dhe Universiteti i Shkencave të Aplikuara të Mainz-it ka zbuluar një sistem AI të aftë për të deshifruar tekstet e lashta kuneiforme.
Kjo teknologji e re, duke shfrytëzuar modelet 3D, përfaqëson një përparim të rëndësishëm në kuptimin e një prej formave më të hershme të shkrimit të njerëzimit. Botuar në revistën e The Eurographics Association, studimi u fokusua në një grup mbishkrimesh kuneiforme nga Frau Professor Hilprecht Collection.
Këto mbishkrime e kanë origjinën kryesisht nga Mesopotamia e lashtë, një rajon historik në Irakun e sotëm. E referuar shpesh si djepi i qytetërimit, kjo zonë është vendi ku u zhvilluan disa nga shoqëritë më të hershme njerëzore. Këto mbishkrime, në veçanti, janë të gdhendura me një sërë simbolesh dhe shenjash që formojnë gjuhët e rajonit, si ajo sumeriane, akadiane dhe asiriane. Shumë prej tyre janë mbi 5000 vjeçare dhe ofrojnë një paraqitje të shkurtër të qytetërimeve të lashta, duke mbuluar një gamë të gjerë temash nga jeta e përditshme deri te çështjet ligjore.
“Gjithçka mund të gjendet në to: nga listat e blerjeve deri te vendimet e gjykatës,” tha Hubert Mara, një nga autorët e studimit. “Mbishkrimet ofrojnë një paraqitje të shkurtër të së kaluarës së njerëzimit disa mijëvjeçarë më parë. Megjithatë, ato janë shumë të dëmtuara dhe kështu të vështira për t’u deshifruar edhe për sytë e stërvitur.” Ekipi iu drejtua AI për ndihmë.
Duke përdorur një proces të ri të inteligjencës artificiale për të deshifruar pllakat e lashta kuneiforme, ata përdorën një model të sofistikuar të AI bazuar në arkitekturën e Convuntional Neural Network (R-CNN), një sistem i specializuar i krijuar për njohjen e objekteve. Studimi përdori një grup të dhënash unike të përbërë nga modele 3D të 1,977 mbishkrimeve kuneiforme, me shënime të hollësishme të 21,000 shenjave kuneiforme.
