Ditën e sotme në Paris do të organizohet eventi Viva Technology, ku ndër shumë kompani të tjera teknologjike, e pranishme do të jetë dhe L’Oréal për të prezantuar inovacionet e reja teknologjike në fushën e kujdesit për veten.
Këto implementime janë bërë për të përfshirë një teknologji realiste të ngjashme me lëkurën e njeriut për kërkime shkencore dhe testime të produkteve dhe një laborator të bukurisë Gen AI të quajtur Creaitech që synon të rrisë kreativitetin. Këto shërbime do t’i shtohen asistentit personal të bukurisë të fuqizuar nga Gen AI; ndër të tjera, një teknologji për diagnostikimin më të fundit të lëkurës dhe flokëve dhe një tharëse flokësh bazuar në teknologjinë e dritës infra të kuqe.
“Duke qenë pioniere në teknologjinë e bukurisë për vite me radhë, ne jemi të bindur se teknologjia mund të shtyjë kufijtë e asaj që është e mundur për bukurinë për të përmirësuar jetën e njerëzve në mbarë botën”, tha Barbara Lavernos, Zëvendës Drejtoresha Ekzekutive e L’Oréal, përgjegjëse për kërkimin, inovacionin dhe teknologjinë.
Një kombinim i biologjisë, mekanikës dhe elektronikës, Skin Technology nga L’Oréal imiton tipet më të ndryshme të lëkurës së njeriut, duke përfshirë këtu dhe problemet si ekzema apo aknet, aftësinë për t’u nxirë dhe aftësinë për t’u shëruar nga lëndimet.
Nga ana tjetër laboratori i avancuar i brendshëm i Creaitech është gati të transformojë prodhimin e përmbajtjeve të kompanisë dhe po përdoret si një hapësirë e sigurt për eksperimentimin e gjeneratës së AI.
