Një kompani bioteknologjike kërkon të krijojë embrione humane nga qelizat burimore me qëllim marrjen e indeve të ndryshme nga këto inde për t’i përdorur më pas në transplante. Kjo gjë mendohet pasi eksperimenti me embrionet e minjve rezultoi i suksesshëm. Ato u rritën në mitra mekanike për disa ditë deri sa zhvilluan një zemër që rreh dhe sistemin e qarkullimit të gjakut.
Renewal Bio nga Izraeli ka një mision për “ta bërë njerëzimin më të ri dhe më të shëndetshëm” përmes përdorimit të teknologjisë së qelizave burimore të cilat mund të përdoren për të trajtuar infertilitetin, çrregullimet gjenetike dhe për të zgjatur jetën në drejtime të tjera.
Pasi u mësua rreth suksesit me embrionet e minjve, biologjisti Jacob Hanna kërkon që kompania që ai themeloi të kopjojë këtë teknologji mbi njerëzit.
Në të ardhmen, qelizat burimore nga embrionet mund të përdoren për t’u transferuar tek një person i moshuar dhe kjo gjë do të forconte sistemin imunitar të tij ose të rigjenerojë qelizat ovariane tek gratë – megjithatë kompania tregon se është ende në hapat e parë të kësaj teknologjie dhe po mëson më tepër rreth aplikimeve të saj.
Duhet të kemi parasysh se vetëm 1 në 100 përpjekje për të krijuar një embrion të ngjashëm me atë të miut ishin të suksesshme, madje dhe embrionet e suksesshme kishin anormalitetet e tyre si problemet me zemrën.