CES 2024 është tashmë shumë pranë, pasi fillon zyrtarisht nga data 9 deri më 12 janar, megjithëse eventet e para të lidhura me CES pritet të fillojnë që me 7 janar. Vitin e kaluar pamë një fokus të teknologjive të reja në aksesueshmërinë e përgjithshme, ndërsa këtë vit presim të shikojmë disa trende të reja, të cilat do t’i diskutojmë më poshtë.
Energjia e rinovueshme lehtësisht e përdorshme
Mendojmë se CES 2024 do të jetë i mbushur plot me teknologji të fuqizuar nga energjia e pastër, të ofruara si produkte mjaft të thjeshta për t’u përdorur. Panelet diellore kanë qenë tradicionalisht të instaluara nga profesionistët, por instalimet e pavarura po fitojnë popullaritet. Dy ose tre vjet më parë, kjo pajisje ishte tepër e preferuar nga përdoruesit e RV, por tani ajo është duke u futur në një treg më të gjërë, kryesisht për shkak të lehtësimit të proceseve të instalimit dhe përdorimit.
Teknologjia e kufjeve MEMES
Micro-ElectroMechanical Systems (MEMS) pritet të jenë zhvillimi i radhës në teknologjinë e kufjeve. Disa nga avantazhet e MEMS thuhet se janë bass response e përmirësuar, qëndrueshmëria më e mirë dhe kualiteti më i lartë. E vetmja pengesë është se në gjendjen e tyre aktuale, ata ende kanë nevojë për një konfigurim hibrid me një driver dytësor për basin. Megjithatë, në altoparlantin MEMS të gjeneratës së ardhshme, xMEMS premton bass response 40 herë më të lartë.
Wi-Fi 7 në gjithçka
Ndonëse mund të mos jetë zhvillimi më emocionues, pritet të ketë një numër të madh pajisjesh me mbështetje për Wi-Fi 7 në CES 2024 – nga laptopët e deri te televizorët. Aktualisht, është ende një punë në progres, por me specifikat zyrtare të Wi-Fi 7 që pritet të finalizohen diku në fillim të vitit 2024, prodhuesit po kërkojnë ta integrojnë menjëherë këtë shërbim. Disa përfitime të Wi-Fi 7 përfshijnë shpejtësi maksimale deri në 46 Gbps – më shumë se dy herë më shpejt se ajo që disponohet duke përdorur Wi-Fi 6/6E – së bashku me një channel width 320 Mhz që ofron dyfishin e kapacitetit në krahasim me gjeneratat e mëparshme.
Viti i kompjuterëve me inteligjencë artificiale të integruar
Nëse ka një term që me siguri do ta dëgjoni shumë gjatë gjithë vitit 2024, ai është “AI PC“. Është një term që Intel dhe AMD e përdorin për të përshkruar kompjuterët e pajisur me çipa që përmbajnë NPU (neural processing unit). Në mënyrë të ngjashme me GPU-të që shpejtojnë përpunimin e grafikëve për lojëra, një NPU ndihmon AI të funksionojë në mënyrë më efikase.
Shumë shërbime të Windows AI thuhet se janë duke u përgatitur, duke sjellë Copilot AI në çdo platformë të mundshme, dhe kompani si Adobe dhe Audacity po zhvillojnë gjithashtu shërbime të mbështetura nga NPU për aplikacionet e tyre.
TV tërësisht pa kabuj
Displace bëri bujë në CES 2023 me televizorin e tij tërësisht wireless që mund të montohet kudo. Kompania po kthehet në Vegas këtë vit dhe tashmë ka njoftuar se çfarë planifikon të ekspozojë: Displace Mini 27 inç dhe Displace Flex 55 inç. Ekrani që pamë në fillim të këtij viti ishte gjithashtu 55 inç, por një ndryshim kryesor midis tij dhe Flex është se ky version i ri i bashkëngjitet një mbajtëse opsionale të karikimit wireless magnetike. Të dy Flex dhe Mini kanë jetëgjatësi të mjaftueshme të baterisë për të zgjatur një muaj nëse shikoni gjashtë orë përmbajtje në ditë, sipas kompanisë.
