Jony Ive ka konfirmuar se ai është duke punuar me CEO e OpenAI, Sam Altman në një projekt harduerësh të AI. Konfirmimi erdhi sot si pjesë e një interviste të Ive në The New York Times, gati një vit pasi u raportua për herë të parë mundësia e një bashkëpunimi midis Altman dhe dizenjuesit shumëvjeçar të Apple.
Nuk ka shumë detaje për projektin. Thuhet se Ive u takua me Altman përmes Brian Chesky, CEO i Airbnb, dhe sipërmarrja po financohet nga Ive dhe Emerson Collective, kompania e Laurene Powell Jobs. The Times raporton se mund të mbledhë $1 miliard fonde deri në fund të vitit, por nuk përmend Masayoshi Son, CEO i SoftBank që u përfol vitin e kaluar se kishte investuar $1 miliard në projekt.
Projekti ka vetëm 10 punonjës aktualisht, por ata përfshijnë Tang Tan dhe Evans Hankey, dy persona të rëndësishëm që kanë punuar me Ive në krijimim e iPhone. LoveFrom, kompania e Ive, po udhëheq dizajnin e pajisjes, sipas raportit.
Ekipi thuhet se tani po punon nga një ndërtesë 32,000 metra katrorë në San Francisko, pjesë e një grupi pasurish të paluajtshme prej $90 milionë që Ive ka blerë në një bllok të vetëm të qytetit.
The Times thotë se Ive dhe Altman diskutuan “si AI gjeneruese bëri të mundur krijimin e një pajisjeje të re kompjuterike sepse teknologjia mund të bënte më shumë për përdoruesit sesa softueri tradicional” për shkak të aftësisë së saj për të trajtuar kërkesa të ndërlikuara. Vitin e kaluar u përfol se ishte frymëzuar nga teknologjia e ekranit me prekje dhe iPhone origjinal. Por tingëllon sikur pak specifika janë të përcaktuara. Bashkëthemeluesi i LoveFrom, Marc Newson i tha Times se produkti i AI – dhe koha kur do të dalë në treg – janë ende në gjenerim e sipër.
