Tani që Windows 11 u prezantua zyrtarisht, të gjithë personat që pëlqejnë versionin aktual mund të pyesin se për sa kohë Microsoft do të vazhdojë të nxjerrë security updates për Windows 10.
Sipas Microsoft’s lifecycle website, kompania do të ofrojë suport zyrtar për Windows 10 Home, Windows 10 Pro, Windows 10 Enterprise dhe Windows 10 Education deri në datën 14 tetor të vitit 2025. Në këtë pikë, të gjithë edicionet normale të Windows 10 do të arrijnë statusin “end-of-life”, që nënkupton se ato nuk do të marrin më security updates nga Microsoft.
Pasi suporti për Windows 10 të përfundojë, përdoruesit duhet të upgrade-ojnë sistemin e tyre për të përfituar update-e sigurie të reja. Në botën mjaft të ndërlidhur ku ne jetojmë, këto updates janë tepër të rëndësishëm pasi mbrojnë të dhënat tona personale.
Nga ana tjetër, Windows LTSC, një version special për bizneset, do të vazhdojë të marrë updates deri në 9 janar 2029.
Dhe pse Microsoft do të ndalojë ofrimin e security updates, kjo nuk do të thotë se Windows 10 do të ndalojë së funksionuari. Teknikisht ju mund të vazhdoni të përdorni këtë version, por kjo nuk është një ide shumë e mirë pasi mund të rrezikoheni nga sulmet phishing dhe ransomware të ndryshëm që mund të vjedhin të dhënat tuaja.
