Me shumë mundësi produktet kryesore që do të prezantohen gjatë eventit të datës 7 shtator do të jenë iPhone-t e rinj. Mirëpo gjatë këtij eventi do të ketë dhe produkte të tjera që do ta bëjnë shfaqjen dhe më interesante. Më poshtë do të flasim rreth të gjithë produkteve që mund të lançohen gjatë këti eventi.
iPhone 14
Kemi folur shumë rreth ndryshimeve që pritet të vijnë në iPhone 14, që nga përfshirja e iPhone 14 Max në linjën e re e deri në heqjen e notch-it klasik të iPhone vetëm në versionet Pro, që do të zëvëndësohen nga hole punch.
Me shumë mundësi gjatë këtij viti do të shohim një rritje të çmimeve në versionet Pro, kështu që bëni mirë të kurseni disi.
Apple Watch Series 8
Seria e 8-të e Apple Watch do të jetë një tjetër produkt kryesor. Këtë vit pritet që lijna të përbëhet nga 3 ora smart. Fillimisht do të jetë modeli SE, me një rifreskim që nga viti 2020, më pas modeli më i madh i Series 8 që do të shoqërohet nga një model i “fortifikuar” për t’u përdorur gjatë aventurave.
Pritet të përdoret proçesori i ri S8 në këto pajisje, me përmirësime software-i dhe baterie.
AirPods Pro
AirPods Pro nuk janë rifreskuar me një model të ri që nga viti 2019. Dhe pse nuk ka shumë informacione rreth një versioni të ri, pritet që ai të përfshijë lossless audio dhe një dizajn të ri.
Gjithashtu mund të jenë të pranishëm disa iPads, së bashku me një M2 iPad Pro si dhe Mac Pro. AR/VR Headset është një parashikim jo i besueshëm për këtë event, dhe pse zërat qarkullojnë prej kohësh. Dhe HomePod mund të rikthehet me një version të ri.
