August 11, 2020

Samsung nuk shkon në IFA 2020 por zgjedh të mbajë eventin online

Vlerëso këtë lajm
(1 Vote)
Samsung nuk shkon në IFA 2020 por zgjedh të mbajë eventin online

Samsung Electronics njoftoi sot se kompania do të mbajë një event, një përvojë gjithëpërfshirëse virtuale, “Jetë e Pandalshme”, për të zbuluar risitë më të fundit të telefonave celular, aksesorëve, TV , aparaturave shtëpiake etj. Marka do të mirëpresë të ftuarit përmes një bote virtuale interaktive, duke zbuluar produkte të reja dhe duke demonstruar sesi formacioni i vitit 2020 siguron argëtim, kreativitet dhe efikasitet për mënyrat e jetesës së sotme të lidhura ngushtë me digjitalen.

“Jeta e pandalshme” është një udhëtim virtual dhe dinamik 45-minutësh i teknologjisë më të re pioniere të Samsung. Prezantuesit dhe të ftuarit specialë do të tregojnë se si inovacionet e Samsung, të përqendruara në sferën humane,  gjithmonë i kanë mundësuar njerëzve të hartojnë përvoja të lidhura, pa probleme për të jetuar një jetë të pandalshme.

Samsung vazhdon të shtyjë kufijtë e asaj që mund të bëjë teknologjia dhe kjo përvojë nuk është ndryshe. Bota interaktive do t'i lejojë mysafirët të eksplorojnë lançimet e shumëfishta të produkteve të reja si  TV dhe pajisje shtëpiake nga komoditeti i shtëpisë së tyre. Risitë e fundit brenda ekosistemit të integruar të Samsung do të ofrojnë zgjidhje për nevojat e konsumatorit nga maksimizimi i argëtimit në shtëpi dhe përvojave të lidhura me lojrat, deri në efikasitetin me pajisjet dixhitale inteligjente dhe mundësimin e krijimtarisë për punë dhe lojëra, si në shtëpi ashtu edhe në lëvizje.

Përvoja dixhitale e këtij viti është një nga mënyrat e shumta të pështatjes që Samsung ka si përgjigje ndaj ndryshimeve të fundit globale në kufizimet e udhëtimeve, punës dhe bashkëveprimeve ballë për ballë.

Shefi i marketingut i Samsung Europe Benjamin Braun tha: "Në Samsung, ne vazhdojmë të sjellim risi ‘që ndryshojnë lojën’ për klientët dhe shoqërinë tonë. Jemi të ngazëllyer për të rikrijuar një mënyrë, se si do të zbulojmë linjën tonë të re të telefonave celularë, aksesorëve, TV, pajisjeve shtëpiake dhe më shumë një udhëtim që do të tregojë se si teknologjia jonë e përparuar nxit dhe ‘ushqen’ një jetë të pandalshme.

Saturday, 25 July 2020 07:54

Geek Room i dedikohet teknologjisë dhe të apasionuarve pas saj përmes informacioneve në
kohë reale dhe videove rreth risive më të reja.
Lidhu me stafin tonë përmes emailit në:
[email protected], [email protected]

Editorial Staff:
Brenton Bënja
Ermir Jonka
Xhonald Mamo