Nikon sapo ka prezantuar kamerën e re flagship të quajtur Nikon Z9 duke kënaqur kështu të gjithë personat që po prisnin për një kamera full-frame mirrorless nga kjo kompani.

Në të gjendet sensori i ri CMOS 45.7MP që mbështet shkrepjen e vazhdueshme deri në 30fps për JPEGs ose deri në 20fps për RAW. Nikon tregon se butoni i ri elektronik është aq i mirë saqë ato e eleminuan mundësinë e ofrimit të një butoni tradicional mekanik në Z9.

Kompania tregon gjithashtu se distortion-i nga butoni i ri elektronik i ri është aq i ulët sa dhe një buton mekanik dhe shpejtësia e saj mund të shkojë deri në 1/32,000 të një sekondi.

Z9 ka specifika shumë të mira dhe në pjesën e regjistrimit të videove, ku Nikon përfshin suportin për video 8K në 30fps për regjistrime të pandërprera për më tepër se 2 orë. Nëse ju nuk dëshironi të përdorni 8K, atëherë ju mund të regjistroni në 4K me 120fps.

Nikon pretendon se Z9 përdor sistemin më të mirë autofocus deri më tani, që ka përmirësime në 3D tracking dhe algoritmi Subject Detection mund të diferencojë midis 9 lloje subjektesh (njerëz, qen, mace, zogj, makina, motora, biçikleta, tren dhe aeroplan) ndërkohë që regjistron video statike.

Një tjetër shërbim i ri i Z9 është Synchro VR, i cili kombinon sistemin e stabilizimit të kameras me sistemin e reduktimit të dridhjeve të lenteve e serisë Z duke sjelllë kështu një stabilizim dhe më të mirë.