Një kirurg estetik nga Las Vegas i quajtur Kevin Debiparshad, i cili është i specializuar në kryerjen e operacioneve për zgjatjen e këmbëve 8 deri në 15 centimetra, ka treguar për revistën GQ se shumë nga pacientët e tij janë punonjës në fushën e teknologjisë të cilët punojnë për Google, Amazon apo Microsoft.
Ja se si funksionon kjo proçedurë: doktori thyen femurin e pacientit (kockën e kofshës) dhe vendos aty gozhda metalike që mund të përshtaten çdo ditë. Këto gozhda zgjerohen pak nga pak çdo ditë për një periudhë 3 mujore përmes një pajisje magnetike.
Mund të duhet me muaj të plotë për të përfunduar proçesin e zgjatjes dhe ringjitjes së kockave. Një inxhinier software-i tregoi se ai kaloi 3 muaj pas kirurgjisë i vetëm në apartamentin e tij dhe e porositi ushqimin në shtëpi, ndërkohë që u zgjat nga 170 cm në 180.
Kjo proçedurë i kushtoi atij më tepër se $75,000, dhe kostoja rritet për çdo centimetër më tepër që ju dëshironi.
“Unë shpesh herë tallem duke thënë se mund të hap një kompani teknologjie në të ardhmen.” tregon Kevin. “Kam më tepër se 20 inxhinierë software-i që e kanë bërë këtë operacion gjatë këtij muaji në Las Vegas.”
