Samsung Electronics prezantoi sot One UI 5 Watch, që do të jetë e disponueshme për pajisjet Galaxy Watch gjatë këtij viti. Softueri i saj i ri është krijuar për të sjellë një përvojë më të shëndetshme dhe më të personalizuar, duke përfshirë përmirësime për një gjumë më të mirë gjatë natës – një proçes i cili shpesh neglizhohet, por është shumë thelbësor për mirëqenien e përgjithshme – si edhe funksioneve të ndryshme lidhur me aktivitetet fizike dhe sigurinë tuaj.
“Samsung përpiqet gjithmonë për të ofruar një përvojë gjithëpërfshirëse të shëndetëshme dhe për t’i ndihmuar përdoruesit të arrijnë qëllimet e tyre për sa i përket shëndetit. Tani më shumë se kurrë, ne besojmë se kjo fillon me një gjumë të mirë gjatë natës,” tha Hon Pak, Zëvendës President dhe Shef i Ekipit të Shëndetit Digjital, MX Business në Samsung Electronics. “One UI 5 Watch i ri vijon angazhimin tonë për t’i ndihmuar njerëzit të përmirësojnë cilësinë e gjumit të tyre, në mënyrë që ata të mund të jenë të shplodhur mjaftueshëm dhe të gatshëm për ditën.”
Gjumë i mirë: thelbësor për një shëndet më të mirë
Samsung i ka fokusuar përpjekjet e tij në tre elementë kryesorë për pasur një gjumë më të mirë: të kuptuarit e modeleve personale të gjumit, ndërtimin e zakoneve të shëndetshme dhe krijimin e një mjedisi të rehatshëm për gjumë. One UI 5 Watch ofron këto elemente për të pasur një përvojë të kompleturar për një gjumë cilësor.
Sleep Insights UI i ri shfaq në mënyrë të detajuar rezultatin e gjumit të përdoruesit për të ofruar një raport më të qartë të gjumit të natës së mëparshme, e ndjekur nga metrikat përkatëse si fazat e gjumit, orët e gërhitjes dhe nivelet e oksigjenit në gjak. Përveç kësaj, Sleep Coaching – i përshtatur rreth tetë llojeve të ndryshme të gjumit – bëhet gjithashtu lehtësisht i aksesueshëm në Galaxy Watch si dhe në telefonin tuaj, duke e bërë në një mënyrë më të përshtatshme dhe motivuese për përdoruesit për të gjurmuar zakonet e tyre në çdo kohë dhe kudo.
Krijimi i një ambienti të rehatshëm mund të sjellë ndryshim në cilësinë e gjumit, madje edhe shpërqendrimet e vogla mund të kenë ndikim të madh. Kjo është arsyeja pse Samsung e ka bërë më të lehtë lidhjen e Galaxy Watch me një gamë të gjerë pajisjesh. Pasi Galaxy Watch zbulon nëse përdoruesit kanë rënë në gjumë, modaliteti SmartThings arrin të fikë të gjitha pajisjet e lidhura të përdoruesit, për të krijuar një mjedis më të favorshëm për të pushuar. Modaliteti i gjumit heq me shpejtësi tingujt e njoftimeve dhe zbeh dritën e ekranit të telefonit ose orës së përdoruesit. Këto veçori të One UI 5 Watch janë falë një sensori infrared në vend të një dritë LED jeshile, për të minimizuar kështu shpërqendrimet.
Një partner fitnesi më i zgjuar
Modaliteti i personalizuar Heart Rate Zone është shtuar në Galaxy Watch – duke përfshirë analizën e vrapimit në kohë reale dhe një program trajnimi të personalizuar. Kjo veçori e re analizon aftësitë fizike individuale dhe vendos pesë nivele optimale të intensitetit të stërvitjes (ngrohje, djegie e shtesës dhjamore, kardio, stërvitje intensive). Kjo u mundëson përdoruesve të vendosin disa qëllime bazuar në aftësinë e tyre, nga djegia e yndyrës deri tek kardio me intensitet të lartë.
Të apasionuarit pas aktiviteteve në natyrë me Galaxy Watch Pro kanë përfitime shtesë, duke filluar me një Route Workout — modalitet i cili i jep përparësi vrapimit dhe ecjes krahas opsioneve të disponueshme më parë për ngjitje në mal apo çiklizëm. Përdoruesit e Galaxy Watch Pro gjithashtu mund të kërkojnë dhe aksesojnë bazën e të dhënave të GPX drejtpërdrejt përmes aplikacionit Samsung Health, si dhe të marrin rekomandime për rrugët e reja bazuar në të dhëna si vendndodhja, koha, vlerësimi ose popullariteti.
Siguria e para
Siguria është një domosdoshmëri kur bëhet fjalë për shëndetin dhe mirëqenien, kështu që One UI 5 Watch ofron gjithashtu mjete të përmirësuara për t’iu bërë të ndiheni të sigurt. Përditësimet e veçorisë SOS mundësojnë komunikim të drejtpërdrejtë me një numër telefoni urgjence për të transmetuar informacionin mbi vendndodhjen e përdoruesit dhe gjithashtu lejojnë qasje të menjëhershme në informacionin mjekësor të përdoruesit. Për më tepër, modaliteti Fall Detection tani aktivizohet automatikisht për përdoruesit në moshë për t’i ndihmuar ata në rast emergjence. Këto janë vetëm disa nga shembujt e përpjekjeve të vazhdueshme të Samsung për të rritur sigurinë e përdoruesit.
