Google ka prezantuar një shërbim të ri në Gemini AI që lejon kthimin e fotove në video 8-sekondëshe, duke përdorur modelin e avancuar të videos Veo 3. Ky funksion gjeneron jo vetëm lëvizje vizuale, por edhe audio të krijuar nga AI, përfshirë zhurma ambientale, të folura dhe efekte zanore.
Shërbimi është aktualisht i disponueshëm për përdoruesit e Gemini AI Ultra dhe Pro në disa rajone të përzgjedhura. Ajo po lançohet fillimisht në versionin web, dhe gjatë javës do të vijë edhe në pajisjet mobile.
Për ta përdorur, përdoruesit hyjnë te opsioni “Tools”, zgjedhin “Video”, dhe ngarkojnë një foto së bashku me një përshkrim që shpjegon si duhet të lëvizë imazhi. Mund të shtohen gjithashtu udhëzimepër dialog, efekte apo zhurma ambientale, të cilat Google thotë se do të jenë në sinkron të plotë me pamjen. Videoja përfundimtare dorëzohet si file MP4 me rezolucion 720p dhe në format 16:9.
Google inkurajon përdoruesit të jenë kreativë—si animimi i objekteve të përditshme, vizatimeve apo peizazheve natyrore. Të gjitha videot përfshijnë një watermark të dukshëm dhe një vulë dixhitale të padukshme SynthID, për të treguar që janë krijuar nga AI.
Kjo veçori e re është një zgjerim i asaj që ofron aplikacioni Flow, mjeti për krijimin e filmave me AI i prezantuar nga Google në mars 2025. Me këtë përditësim, përdoruesit mund të animojnë foto direkt brenda Gemini, pa pasur nevojë të kalojnë në aplikacione të tjera. Google njoftoi gjithashtu se Flow do të lançohet në edhe 75 shtete të tjera që nga sot.
