Elon Musk ka paralajmëruar të gjithë ukrainasit se shërbimi satelitor i Starlink në Ukrainë mund të jetë nën shënjestrën e rusëve. Multimiliarderi ngriti shqetësimin e tij vetëm disa ditë pasi një security researcher tregoi se pajisjet e përdorura për komunikimin satelitor mund të bëhen shënjestra e raketave ajrore të Rusisë.
“Lajmërim i rëndësishëm: Starlink është i vetmi sistem komunikimi jo-rus që funksionon akoma në disa vende të Ukrainës, prandaj ka shumë mundësi që Rusia t’i ketë ato nën shënjestër. Ju lutem përdorini me kujdes.” shkruajti Musk në një tweet.
Important warning: Starlink is the only non-Russian communications system still working in some parts of Ukraine, so probability of being targeted is high. Please use with caution.
— Elon Musk (@elonmusk) March 3, 2022
Ai i kërkoi përdoruesve që të ndezin shërbimin Starlink vetëm kur është e nevojshme, të vendosin antenën sa më larg nga njerëzit që të jetë e mundur dhe të vendosin një kamuflazh mbi to që të mos duken nga larg.
Elon Musk aktivizoi shërbimin satelitor të internetit në këtë vend pas thirrjeve të krerëve të shtetit ukrainas, dhe ka vazhduar me furnizimin me terminale të nevojshme për t’u lidhur me internetin nga Starlink.
Starlink — here. Thanks, @elonmusk pic.twitter.com/dZbaYqWYCf
— Mykhailo Fedorov (@FedorovMykhailo) February 28, 2022
Zëvëndës kryeministri ukrainas, Mykhailo Fedorov falenderoi Elon Musk përmes një tweet-i ku dukej furnizimi me këto terminale. Megjithatë tashmë ka lindur nevoja për më tepër gjeneratorë që do të mundësojnë aktivizimin e terminaleve pasi Rusia po vazhdon sulmet mbi këtë infrastrukturë.
Elon Musk u përgjigj duke thënë se po update-on software-in e pajisjeve për të reduktuar konsumin e energjisë, dhe do të bëhet e mundur që Starlink të fuqizohet nga ndezësi i cigares në makina.
