OpenAI po teston një aplikacion ChatGPT për Windows – por tani për tani është i disponueshëm vetëm për përdoruesit me pagesë. Një version i hershëm i aplikacionit mund të shkarkohet duke kërkuar në Microsoft Store.
Ashtu si versioni i aplikacionit për Mac, ChatGPT në Windows ju lejon t’i bëni pyetje chatbot-it me AI në një dritare të dedikuar që mund ta mbani të hapur së bashku me aplikacionet tuaja. Mund të përdorni shpejt aplikacionin duke përdorur kombinimin Alt + Space.
Gjithashtu brenda aplikacionit ju keni mundësinë të ngarkoni skedarë dhe foto në ChatGPT, gjithashtu vjen me qasje në një pamje paraprake të modelit o1 të OpenAI-t të aftë për të “arsyetuar”. Megjithatë, aplikacionit i mungojnë disa aftësi, të tilla si modaliteti i avancuar i zërit.
Menjëherë pasi OpenAI lançoi aplikacionin e tij ChatGPT në Mac në qershor, një zhvillues vuri re një dobësi sigurie që ruante bisedat në tekst të thjeshtë jo të enkriptuar. OpenAI që atëherë e ka rregulluar këtë problem dhe tani kodon të dhënat e ruajtura në pajisje. Edhe pse vetëm abonentët e ChatGPT Plus, Enterprise, Team dhe Edu mund ta përdorin aplikacionin në Windows, OpenAI thotë se planifikon ta sjellë atë për të gjithë përdoruesit më vonë këtë vit.
