Prej shumë kohësh Meta i ka ofruar një mbrojtje të padrejtë përdoruesve VIP në platformat e saj Facebook dhe Instagram përmes një programi të quajtur “cross check” dhe ka mashtruar publikun mbi rëndësinë e programit. Ky përfundim u arrit nga bordi mbikëqyrës i Meta gjatë nëj raportimi të publikuar ditën e martë.
Në raportim ofrohet përshkrimi më i detajuar deri më tani i këtij programi, të cilin Meta e ka quajtur “një shtresë kualitative e kontrollit” për të parandaluar gabimet e moderimit në përmbajtjet që tërheqin vëmendjen e publikut. Ky bord ka prezantuar dhe më parë kritikat kundrejt këtij programi në disa dokumente të brendshme ku tregohej se “cross check” favorizonte, keqmenaxhonte dhe përbëhej nga një staf shumë i vogël.
“Cross check aktualisht nuk është dizenjuar ose implementuar në një mënyrë që përfaqëson përgjegjësitë e të drejtave njerëzore dhe vlerat e kompanisë. Pavarësisht shqetësimit të konsiderueshëm publik ndaj këtij programi, Meta nuk e ka adresuar në mënyrë efektive këtë problematikë në sistemin e saj.” lexohet në raportim.
Meta menjëherë lëshoi një deklaratë ku tregonte se kishte bërë disa ndryshime në të njejtin drejtim me rekomandimet e bordit dhe se ka kërkuar ndihmën e këtij bordi për përmirësime të mëtejshme.
