Shpesh herë në filmat fantastiko-shkencor që përfshijnë përdorimin e realitetit virtual mund të kemi parë që personat që vdesin në lojë vdesin gjithashtu dhe në jetën reale.
Me sa duket një person duket se dëshiron që këtë gjë ta shndërrojë në realitet. Ai është Palmer Luckey, bashkë themeluesi 30 vjeçar i Oculus, kompanisë që u ble nga Facebook në 2014 për $3 miliardë.
Luckey publikoi një postim në blog ditën e diel ku prezantoi heaset-in e tij më të ri, të cilin ai e quan “veprën e tij të artit”. Është e vërtetë që kjo gjë mund t’i japë fund jetës tuaj, në rast se ju humbni në një lojë, pasi brenda saj gjenden bomba që do të shpërthejnë kokën e përdoruesit.
“Unë përdora 3 module eksplozivësh që zakonisht i përdor në projekte të tjera, duke i lidhur ato me një fotosensor që mund të zbulojë se kur ekrani shfaq një ngjyrë të kuqe në frekuencë të caktuar. Në këtë mënyrë zhvilluesit e lojrave do ta kenë shumë të thjeshtë për të krijuar ekranin e përfundimit të lojës. Sapo kjo pamje të shfaqet, bombat do të shpërthejnë, duke shkatërruar trurin e përdoruesit.” shprehet Luckey në blog.
Ai tregoi se inspirimi i tij për të krijuar një headset të tillë erdhi nga një film i animuar i viteve 2000, Sword Art Online.
“Idea e së provuarit të jetës reale në avatar-in tuaj virtual më ka mahnitur gjithmonë – kështu vështirësia rritet në maksimum dhe detyron njerëzit të rimendojnë rrënjësisht mënyrën se si ndërveprojnë me realitetin virtual dhe personat brenda saj.” shtoi ai.
