Apple konfirmon organizimin e eventit “Scary Fast” në datën 30 nëntor

Apple sapo konfirmoi një tjetër event që do të transmetohet drejtpërsëdrejti në 30 tetor, me titullin “Scary Fast”.

Eventi kryesor i prezantimit të iPhone 15 ka ndodhur, kështu që me shumë mundësi gjatë këtij eventi do të prezantohen kompjuterët desktop dhe laptopë të rinj të kompanisë. Ka kaluar një kohë çuditërisht e gjatë që kur ka pasur një iMac të ri. Analisti Mark Gurman sugjeroi se ky event do të shfaqë një rifreskim të linjës së vjetër të iMac, dhe historia e tij e saktësisë është mjaft e mirë kur bëhet fjalë për Apple. Gurman sugjeroi gjithashtu se mund të shikojmë një përditësim të MacBook Pro.

Kjo analizë bazohet në furnizimet aktuale të shitjes me pakicë dhe datat e transportit për modelet e ardhshme, me dyqanet me pakicë që vënë në dukje se kanë mungesë të furnizimit me iMac-ët aktualë dhe MacBook Pro 13 inç.

M1 iMac shumëngjyrësh 24 inç u prezantua në prill të vitit 2021, pra ka kaluar një kohë e gjatë pa një përditësim të pajisjes. MacBook Pro M2 është më i ri, i prezantuar në 2022, por ende pritet të përmirësohet. Ka edhe zëra që tregojnë se në këtë event do të prezantohet proçesori i ri M3.

Është gjithashtu e mundur që ne të njihemi me një iPad të ri, pasi tableti kryesor i kompanisë gjithashtu pritet të rifreskohet. Në të kaluarën, Apple zakonisht e ka rezervuar eventin e tetorit për prezantimin e kompjuterave të rinj. Në çdo rast, nuk na duhet të presim shumë kohë, pasi 30 tetori është afër.