Apple, Google dhe Microsoft lajmëruan ditën e enjte në mëngjes se ato do të bashkëpunojnë për të bërë të mundur identifikimin në llogaritë e përdoruesve pa përdorur passwords në të gjitha platformat për mobile, desktop dhe browser.
“Ne i dizenjojmë produktet tona që të jenë intuitive dhe të afta, por nga ana tjetër duhet që ato të jenë private dhe të sigurta.” tha Kurt Knight, drejtues i lartë për marketingun e produkteve në Apple. “Bashkëpunimi me industrinë për të krijuar metoda të reja më të sigurta të identifikimit që ofrojnë mrojtje më të lartë dhe që eleminojnë pikat e dobta të password-eve është qëllimi ynë kryesor.” shtoi ai.
Proçesi i identifikimit në llogarinë tuaj pa përdorimin e password-it do të bëhet i mundur përmes përdorimit të smartphone-ve si pajisje kryesore vërtetimi për aplikacionet, websitet apo shërbimet e tjera dixhitale. Hapja e smartphone-it tuaj përmes futjes së kodit PIN, përdorimit të pattern apo shenjës së gishtit do të jetë e mjaftueshme për të lejuar regjistrimin në shërbimet në web pa patur nevojën e përdorimit të një password-i. Kjo gjë është e mundur falë përdorimit të një token unik që shpërndan password midis smartphone-it dhe website-it.
Ideja kryesore pas këtij shërbimi është se identifikimi i përdoruesve në shërbime të ndryshme do të jetë shumë herë më i thjeshtë dhe më i sigurtë.
