Sipas raportimeve të fundit bëhet e ditur se Apple dhe Meta i kanë dhënë të dhënat e përdoruesve disa hakerave që pretendonin se ishin zyrtarë të organizatave ligjvënëse. Kjo gjë ka ndodhur gjatë gjysmës së vitit 2021, ku të dyja kompanitë u mashtruan duke ofruar informacione rreth adresës IP, numrat e telefonit dhe adresën e banimit të përdoruesve drejt hakerave.
Zakonisht marrja e informacioneve nga platformat shoqërohet me një mandate kërkimi, por në rastet emergjente (në situate jetë kërcënuese) të dhënat mund të sigurohen menjëherë.
Kërkesat e rreme emergjente për shpërndarjen e të dhënave janë bërë shumë të shpeshta gjatë kohëve të fundit. Gjatë një sulmi, hakerat duket të fitojnë akses në një sistem email të departamentit të policisë. Më pas hakerat mund të krijojnë disa situata emergjente që përshkruajnë rrezikshmërinë e saj dhe kërkojnë që të dhënat të dërgohen menjëherë.
Sipas Krebs, disa hakera po shesin akses në emails të qeverisë online, kryesisht për të shfrytëzuar taktikën e lartpërmendur. Ata tregojnë se shumica e këtyre sulmeve po bëhet nga adoleshentët, mirëpo edhe nga grupe kriminelësh kibernetikë të ndryshme.
Meta dhe Apple nuk janë kompanitë e vetme që kanë rënë pre e këtij sulmi, pasi Bloomberg tergon se hakerat nga grupi “Recursion Team” kanë kontaktuar dhe me Snapchat për të fituar akses në këto informacione, mirëpo nuk dihet ende nëse kanë arritur t’i sigurojnë ato.
