Nëse mendoni se keni parë mjaftueshëm në sigurinë e pagesave, Amazon sapo na vërtetoi të kundërtën.
Zyra e Patentave dhe Markave në Amerikë, konfirmoi se pak javë më parë Amazon ka dërguar aplikimin për një skanues dore si formë e re sigurie e cila mendohet të përfshihet për herë të parë në dyqanet Amazon Go.
Edhe pse kompania nuk ka konfirmuar përdorimin e kësaj teknologjie, në Shtator të 2019 zërat se ajo po punonte për një teknologji të tillë nisën të përhapeshin në shtyp. Sipas raportimeve, një sistem sigurie do të skanojë pëllëmbën e dorës në distancë duke skanuar shenjat e gishtërinjve, rrudhat dhe venat në duar. Falë kësaj teknologjie të gjithë blerësit në dyqan mund të skanojnë dorën për të konfirmuar blerjen në vend të kalimit të kartës.
Hand Scan është tentativa e rradhës së Amazon për të revolucionarizuar mënyrën e blerjes në dyqan, e cila për momentin në Amazon Go po rezulton një sukses i padiskutuar. Sigurisht edhe HandScan do të jetë i tillë, na duhet vetëm të presim sa të jetë gati.
