HDTVTest ka raportuar se çmimet për televizorët mjaft të pritur nga Samsung që përdorin panel QD-OLED janë bërë leak nga Amazon. Tashmë faqet e produktit për këto TV nuk shfaqen më në rezultatet e kërkimit, por mund të aksesohen nëpërmjet links të caktuar.
Gjatë prezantimit u vu re se ekranet QD-OLED nga Samsung ishin më të shndritshëm se rivalët nga LG, por besohej se çmimi i tyre do të ishte shumë më i lartë se TV nga LG. Nëse leak-u nga Amazon është i saktë, atëherë vërtetohet se çmimi i këtyre pajisjeve nuk do të jetë aq i lartë në krahasim me pajisjet e LG.
Ekranet QD-OLED do të vijnë vetëm në madhësinë 55 inç dhe 65 inç (bashkë me ekranet 34 inç ultra të gjëra për monitorët e desktopëve) dhe do të kushtojnë $2,197.99 dhe $2,997.99 respektivisht. Ky çmim është shumë më i ulët krahasuar me çmimet e që priteshin nga tregu korean. Gjithashtu krahasuar me ekranet C2 nga LG dhe ato high-end nga Sony ky çmim është $1,000-$500 më pak.
Këto modele nuk vijnë me një One Connect Box, por të gjitha portat janë të vendosura në pjesën e pasme të ekranit. Të pranishme do të jenë 4 porta HDMI 2.1 me 48Gbps bandwidth dhe refresh rate maksimale prej 144Hz.
Samsung do të nisë dërgesat për këtë TV në datën 11 prill.
