Pandemia na ndryshoi shumë aspekte të jetës, dhe puna nga shtëpia është një nga imponimet më të fuqishme. Mesatarja e përdorimit të kompiuterëve është rritur konsiderueshëm, dhe ka fatlumë nga ne të cilëve buxheti u ka ecur mirë e ndoshta po konsiderojnë të blejnë një Mac më të mirë.
Marketingu i Apple është i fuqishëm, këtë e dimë, por ndërsa MacBook-ët e rinj nuk janë në asnjë mënyrë thjesht produkte të reklamuara mirë, dilema nëse të duhet një aparati i asaj fuqie është goxa aktive. Në komunitet janë të shumta arsyet kundra, disa e quajnë si eksperimentin e parë me proçesorët e rinj, apo të tjerë që sugjerojnë të presim për modelet e reja të cilat do të jenë edhe më solide etj.
Por guida e vërtetë për të kuptuar nëse të duhet vërtetë një MacBook i ri fshihet pas teje, pas përdorimit dhe interesave personale. Mos merr marketingun si argument dhe as ekspertët e tavolinave. Këto janë pyetjet që duhet t’i bësh vetes për një shpenzim të zgjuar:
1. A nuk po punon si duhet modeli im aktual, apo ka probleme me pjesët?
2. A vonohet të kryejë ai kërkesat bazike ndikuar nga vitet e punës?
3. A është laptopi im i përditësueshëm me versionin e ri të macOS?
4. A po vonohet MacBook-u im të hapë disa aplikacione të caktuara ndikuar nga vitet e punës?
5. A është jetëgjatësia e baterisë së laptopit tim më e shkurtër se ç’më duhet për përdorimin e tanishëm?
6. A do i shërbente laptopi im i vjetër dikujt në skuadër për të punuar më mirë, nëse do ia jepja?
