Një studim i ri ku u përfshinë meshkujt nga SHBA arriti në përfundimin se 22 pesticidet më të përdorura në ditët e sotme janë të lidhura me kancerin e prostatës tek meshkujt.
Studiuesit e Universitetit të Stanfordit shikuan ekspozimin ndaj 295 llojeve të ndryshme të kimikateve në të gjithë vendin midis 1997 dhe 2006. Meqenëse kanceri kërkon kohë për t’u zhvilluar, ekipi më pas shikoi normat e kancerit nga 2011-2020 për të parë nëse zonat me përdorim të lartë të pesticideve kishin gjithashtu shkallë të lartë të kancerit.
Ata zbuluan se meshkujt e ekspozuar ndaj 22 pesticideve të ndryshme kishin më shumë gjasa të diagnostikoheshin me këtë sëmundje sesa ata më pak të ekspozuar ndaj kimikateve, duke përfshirë 19 që nuk kishin qenë kurrë të lidhur me kancerin më parë. 4 nga këto pesticide ishin gjithashtu të lidhura me një rrezik të shtuar të vdekjes nga kanceri.
Autorët e studimit shkruan se: “Këto gjetje sugjerojnë se ekspozimi ndaj pesticideve mund të kontribuojë në ndryshime në incidencën dhe vdekshmërinë e kancerit të prostatës“.
Kjo i shtohet studimeve të mëparshme nga Grupi i Punës për Mjedisin (EWG), të cilat tregojnë se afërsisht 90% e luleshtrydheve, mollëve, qershive, spinaqit, nektarinave dhe rrushit rezultuan pozitive për dy pesticide. Megjithatë, pjesa më e madhe e misrit dhe grurit të rritur në SHBA nuk prodhohet drejtpërdrejt për konsum njerëzor, por përpunohet në etanol ose përdoret si ushqim për bagëtinë. E njëjta analizë EËG zbuloi se misri i ëmbël i rritur për konsum njerëzor është i ulët në pesticide.
Në vitin 2023, 288,300 amerikanë u diagnostikuan me kancer të prostatës dhe 34,700 njerëz vdiqën nga kjo sëmundje. Është kanceri i dytë më i zakonshëm tek meshkujt në SHBA.
