A mendonit dhe ju se nëse rrotullojmë një monedhë në ajër, shanset për të rënë kokë apo pilë janë të barabarta 50%? Ndërsa kjo është ajo që mësohet në tekstet shkollore të statistikave, ka prova në rritje që tregojnë se kjo nuk është plotësisht e vërtetë në botën reale.
Në vitin 2007, studiuesit teorizuan se kur një monedhë rrokulliset, gishti i madh i dorës i jep monedhës një lëkundje të lehtë, duke bërë që ajo të kalojë më shumë kohë me njërën anë të kthyer lart ndërsa është në ajër dhe duke e bërë më të prirur që të bie në tokë duke treguar atë anë. Ata parashikuan që një monedhë duhet të bie në të njëjtën anë që ishte para se të rrotullohej në ajër në afërsisht 51% të rasteve.
Tani, František Bartoš në Universitetin e Amsterdamit në Holandë dhe një ekip prej 49 të tjerëve kanë kryer testin më të gjatë të kësaj teorie. Ai ftoi dhjetëra miq dhe kolegë të merrnin pjesë në një seancë maratonë të hedhjes së monedhave. “Kur ju dhe miqtë tuaj uleni në një dhomë, luani muzikë, bisedoni, është si një aktivitet i këndshëm,” thotë ai. “Disa njerëz shikojnë filma së bashku dhe disa njerëz hedhin monedha për 12 orë. Në fakt është shumë më e këndshme nga sa do ta prisnit.”
Ekipi rrotulloi monedha të 46 prerjeve të ndryshme 350,757 herë dhe regjistroi pjesën paraqitëse lart para dhe pas rrokullisjes. Zbulimet mbështetën studimin origjinal: monedhat kanë më shumë mundësi të bien në të njëjtën anë që ishin në dorën e hedhësit në 50.8% të rasteve.
Megjithatë, ajo që ishte më e rëndësishmja, ekipi zbuloi se disa metoda të rrotullimit mund të çonin në rezultate akoma dhe më të ndryshme. Një person hidhte monedha në të njëjtën anë në 60.1% të rasteve, ndërsa njëri tjetër arriti të merrte këtë rezultat në vetëm 48.7% të rasteve.
