Gjetja e një mënyre për të integruar produktet elektronike në indet e gjalla mund të jetë shumë e rëndësishme në fusha të ndryshme të mjekësisë, duke përfshirë këtu dhe implantet në tru. Një teknikë e re ka treguar se është i mundur printimi i qarqeve 3D brenda krimbave të gjallë.
Në pjesën më të madhe të rasteve është parë shkalla e lartë e vështirësisë për integrimin e këtyre produkteve në mënyra jo-invazive, që të zgjasin në kohë dhe të jenë efektive. Natyra e ngurtë e pajisjeve elektronike nuk përshtatet dhe aq mirë me biologjinë, dhe për këtë arsye përdorimi i produkteve elektronike prenda trupit tonë mund të kërkojë proçedura të rrezikshme kirurgjikale.
Megjithatë përmes një publikimi në Advanced Material Technologies, studiuesit kanë treguar se mund të krijojnë struktura në formë katrore apo atë të një ylli brenda trupave të krimbave mikroskopikë (C.elegans). “Teorikisht, do të jetë e mundur që të printosh thellë në një ind.” tha John Hardy nga Lancaster University, i cili ishte drejtues i këtij studimi. “Nëse kjo gjë do të mund të aplikohej tek njerëzit, do të mund të printonim rreth 10 cm në thellësi.”
Në testimin e kryer nga shkencëtarët u përdor një printer me rezolucion të lartë Nanoscribe 3D, i cili mund të punojë mbi materiale sensitive ndaj dritës përmes rrezeve infra të kuqe më preçizion të lartë. Ata krijuan gjithashtu një bojë që përmban polimerin konduktor polypyrrol, që mund të përdoret për të stimuluar elektrikisht qelizat në kafshët e gjalla.
