Electronics Hub tregon përmes një studimi të ri kohën mesatare që qytetarë të ndryshëm në të gjithë botën shpenzojnë para ekraneve të pajisjeve elektronike.
Me sa duket kjo kohë mesatarisht është mjaft e lartë, rreth 6 orë dhe 37 minuta në ditë duke shikuar ekranin e pajisjeve elektronike. Pra, nëse një person qëndron zgjuar për 16 ose 18 orë në ditë, ata shpenzojnë rreth 35-40% të kohës së tyre duke shikuar në ekrane.
Shtetet e Afrikës Perëndimore shpenzonin më tepër kohë para ekraneve, duke shpenzuar 58.2% të kohës që janë zgjuar, ndërsa qytetarët e Japonisë janë ata që shpenzojnë më pak kohë para ekraneve, vetëm 21.7% të kohës që janë zgjuar.
Shtete të tjera që shpenzojnë shumë kohë para ekraneve janë dhe FIlipinet (32.5%), Brazili (32.4%) dhe Afrika e Jugut (31.5%). Një fakt mjaft interesant për qytetarët nga Arabia Saudite është se shpenzojnë mesatarisht 11.5% të kohës së tyre në ditë duke luajtur lojra.
Mirëpo cilat janë materialet që ne ndjekim më tepër gjatë këtyre orëve? Exploding Topics ka zbuluar se 3 janë materialet kryesore: videot (53.72%), rrjetet sociale (12.69%) si dhe gaming (9.86%). Më tepër se 75% e të dhënave ndiqen në platformat si TikTok, YouTube, Facebook dhe video-lojrat.
Për fat të keq ky raportim nuk ka të dhëna mbi kohën e përdorimit të pajisjeve elektronike në Shqipëri apo Kosovë.
