Ngrirja e trurit, një fenomen që njihet në gjuhën angleze si “brain freeze” mund të ndodhë tek të gjithë personat ndërkohë që ata konsumojnë një produkt shumë të ftohtë. Mirëpo a është e mundur që ne ta ndalojmë një fenomen të tillë?
Teknikisht, ky fenomen nuk mund të ndalohet, por ju mund të shkurtoni kohëzgjatjen e këtij fenomeni duke përdorur metodat e përmendura më poshtë.
Sa herë që të ndjeni se “ngrirja e trurit” po fillon, ju duhet të vendosni gjuhën ose gishtin tuaj tregues në qiellzë. Duhet që të përdorni këtë teknikë për 30 sekonda apo deri sa ky fenomen të largohet.
Nuk ka asnjë shpjegim të thjeshtë për mënyrën se si ky fenomen zhvillohet, por besohet se enët e gjakut kontraktohen në momentin që ju konsumoni ujë apo një ushqim shumë të ftohtë. Në momentin që këto enë gjaku zgjerohen, fillon të shfaqet dhimbja e zakonshme.
Duke mbështetur gjuhën apo gishtin tuaj tregues në qiellzën e gojës ju ndihmoni në ngrohjen më të shpejtë të saj duke mundësuar që enët e gjakut të rikthehen në gjendjen e tyre normale më shpejt. Sigurisht që ju do të ndjeni një dhimbje, por në këtë rast dhimbja do të zgjasë më pak sekonda.
Megjithatë ju mund të shmangni “ngrirjen e trurit” duke pirë sasi të pakta uji të ftohtë apo duke bërë kafshata të vogla në ushqimet e ftohta.
