“Laj duart sa më shpesh e sa më gjatë” por pasi i lajmë duart si do ia bëjmë me smartphonin që nuk na shkëputet nga dora?
Një zgjidhje është larja e tij, por sidoqoftë smartphoni edhe pse kundra ujit, nuk është peshqir ndaj ka një limit për sasinë dhe shpeshtësinë që mund ta lash.
Një zgjidhje tjetër vjen nga prodhuesit e xhamave mbrojtës, nuk e di nëse e kishe dëgjuar ndonjëherë por xhamat mbrojtës anti-bakterial ekzistojnë.
OtterBox një kompani e menaxhuar nga Corning është e regjistruar tek Enviromental Protection Agency dhe kanë debutuar të enjten versionet e tyre për iPhone 11 dhe modelet më të vjetra.
Teknologjia antibakteriale shton në përbërjen e xhamit elementë të cilët reduktojnë fuqishëm praninë e baktereve duke shtuar kështu një tjetër nivel mbrojtjeje në kushte të tilla ku higjena personale është kyç.
Sasia e baktereve të mbledhura nga smartpho ët tanë është zakonisht e padëmshme, por studimet tregojnë sidoqoftë raste të kundërta.
OtterBox ka zgjedhur të shtojë argjend në përbërjen e xhamave të tyre si element shumë i mirë kundër baktereve.
Një xham me argjend duket si shtesë shumë e mirë për për një iPhone Gold.
Të disponueshëm nga për modelet nga iPhone 6 deri tek 11, kushtojnë normalisht $49.95 por për momentin janë me 20% ulje për $39.96.
