Me lançimin e gjeneratës së re të Galaxy S24, pamë se si themeli i kësaj gjenerate ishte pikërisht AI Mobile, risia që po ndryshon themelet e shumë industrive. Kjo epokë e re shpalosi përvoja të reja celulare, që ndryshuan dhe do të vazhdojnë të ndryshojnë mënyrën se si smartphonet fuqizojnë përdoruesit dhe është pikërisht AI, ajo që përforcon pothuajse çdo përvojë në serinë Galaxy S24. Galaxy S24 Ultra, është një nga titanët e gjeneratës së re dhe padyshim një nga pionerët e dekadës së ardhshme të inovacionit celular. Më poshtë do të veçojmë disa nga karakteristikat kryesore të kësaj pajisjeje që e bëjnë këtë telefon të zgjuar të qëndrojë në majë.
Komunikim i pametë dhe i mbështetur nga AI
Galaxy AI na njeh me një inteligjencë kuptimplotë, që synon të përmirësojë çdo fushë të jetës, veçanërisht komunikimin, që është dhe roli themelor i një telefoni. Për dërgimin e mesazheve, Chat Assist do të gjejë fjalët e duhura për ju, dhe ngjyrimet e duhura të fjalëve, për të siguruar që komunikimi të tingëllojë ashtu siç ishte synuar: si një mesazh i sjellshëm për një koleg ose një frazë e shkurtër dhe tërheqëse për një titull në rrjetet sociale. Organizimi do të jetë gjithashtu me i lehtë falë Note Assist në Samsung Notes, duke paraqitur përmbledhje të krijuara nga AI, krijimin e modeleve që riorganizojnë shënimet me formate të parapërgatitura e jo vetëm. Për regjistrimet zanore, edhe kur ka shumë altoparlantë, Transcript Assist përdor AI dhe teknologjinë teknologjinë Speech-to-Text për të transkriptuar, përmbledhur dhe madje përkthyer regjistrimet. E meqë jemi tek komunikimi, karakteristika e mëposhtme është një nga të preferuarat tona.
Kërkimi në motorrët e kërkimit nuk ka qenë kurrë më parë kaq i lehtë
Komunikimi nuk është mënyra e vetme me të cilën Galaxy S24 i çon në tjetër nivel përfitimet themelore të telefonit në të ardhmen. Kërkimi në internet ka transformuar pothuajse çdo aspekt të jetës. Galaxy S24 shënon një moment historik në historinë e kërkimit, si telefoni i parë që ka debutuar me Circle to Search intuitiv, të drejtuar nga gjeste me Google. Për t’u dhënë përdoruesve të Galaxy një mjet të ri të jashtëzakonshëm, Galaxy iu drejtua udhëheqësit botëror të kërkimit, Google, dhe hapi forma të reja zbulimi me një gjest të thjeshtë. Me një shtypje të gjatë në butonin Home, mund të rrethoni, të theksoni, të vizatoni ose të prekni çdo gjë në ekranin e Galaxy S24 për të parë rezultate kërkimi të dobishme dhe me cilësi të lartë. Nëse shihni një pikë referimi të bukur në sfondin e postimit të mikut tuaj në rrjetet sociale ose një fakt befasues argëtues në YouTube Shorts, mund të mësoni shumë shpejt për çfarë bëhet fjalë, pa u larguar nga aplikacioni ku jeni. Madje në varësi të vendit ku ndodheni, për kërkime të caktuara, do të jeni në gjendje të shihni përmbledhje krijuese të fuqizuara nga AI që ofrojnë informacione dhe kontekst të dobishëm të bashkuar nga i gjithë interneti dhe të bëni pyetje më komplekse e jo vetëm.
Nxisni krijimtarinë për të zbuluar botën në mënyra të reja
Përveç komunikimit, teknologjia e kamerës së Samsung është në krye të listës, përse kjo seri u shndërrua shumë shpejt në të preferuarën e shumë prej jush. Falë AI Mobile, çdokush që kërkonte prej kohësh të hulumtonte botën e fotografisë dhe një pasion të ri, e pati më të lehtë, eksplorimin e një arti kaq sublim. ProVisual Engine e serisë Galaxy S24 është një paketë gjithë-përfshirëse mjetesh të fuqizuara nga AI që transformojnë aftësitë e kapjes së imazhit dhe rrisin në maksimum lirinë krijuese në çdo hap, duke filluar nga shkrepja e një fotografie deri tek shpërndarja e saj në rrjetet sociale. Galaxy S24 Ultra vjen me 5 kamera të fuqishme. Kamera e këndit të gjerë deri në 200 MP, kamera e zmadhimit deri në 10x, 50 MP dhe 3 kamera të tjera, ndër to dhe e Selfiet, më një kualitet epik që fotot tuaja të jenë të jashtëzakonshme. Pasi të shkrepni fotografi të shkëlqyera, mjetet inovative të redaktimit të Galaxy AI mundësojnë kryerjen e modifikimeve të thjeshta si fshirjen, apo rikompozimin e fotove. Për optimizime më të lehta dhe më efikase, Edit Suggestion përdor Galaxy AI për të sugjeruar ndryshime të përkryera të përshtatshme për secilën fotografi. Për t’u dhënë përdoruesve edhe më shumë kontroll dhe liri krijuese, Generative Edit mund të plotësojë pjesë të një sfondi imazhi me AI krijues. Kur një fotografi është e shtrembër, AI do të plotësojë kufijtë. Kur duhet të lëvizim pak për të kapur objektin në pozicionin e përsosur, AI i lejon përdoruesit të rregullojë pozicionin e subjektit dhe të krijojë një sfond të përzier në mënyrë perfekte në vendin origjinal të tij.
Përvoja më inteligjente ndonjëherë e Galaxy, mundësuar nga Performanca Premium
Ndërsa AI bëhet një pjesë më e spikatur e jetës së përditshme, fuqia e rendimentit duhet të shkëlqejë për të përmbushur kërkesat. Lojëra, regjistrimi dhe montazhi i madh i videove, kalimi mes pesë aplikacioneve ndërsa planifikoni një udhëtim etj… Cilado qoftë detyra, Galaxy S24 ofron një përvojë të jashtëzakonshme falë përmirësimeve në çipin e tij, ekranin apo më shumë. Pamjet janë më të gjalla dhe magjepsëse se ndonjëherë në ekranin më të ndritshëm Galaxy. Galaxy S24 arrin ndriçimin maksimal prej 2600 nit dhe ofron shikueshmëri të përmirësuar në natyrë me Vision Booster. Corning® Gorilla® Armor redukton reflektimet dhe përmirëson qartësinë vizuale, edhe në rrezet direkte të diellit. Vision Booster i përmirësuar rrit gjithashtu kontrastin dhe ngjyrën për një përvojë të jashtëzakonshme.
Gjithçka e përmirësuar, në kuadër të funksionalitetit, pa lënë pas dizajnin dhe elegancën. Galaxy S24 Ultra është telefoni i parë Galaxy që ka një kornizë titani, duke rritur qëndrueshmërinë dhe jetëgjatësinë e pajisjes. Trupi dukshëm më i hollë i Galaxy S24 Ultra mundëson përvojë më të mirë në lëvizje dhe kapje më të rehatshme në dorë. Këto ishin vetëm disa nga karakteristikat AI të këtij centrali të fuqishëm dhe ajo që ju mbetet është të zbuloni vetë magjinë e një smartphone-i të tillë.
