Edhe pse është ndër viktimat më të fundit të smartphonëve të sotëm, pjesa më e madhe e Android-ëve e ka një vend për një kartë memorie microSD. Ajo është një memorie shtesë goxha e dobishme ku mund të ruash foto, video e materiale të tjera për të liruar mjaft hapësirë. Por nëse nuk e dije edhe aplikacionet mund të ruhen aty, mjaft e dobishme edhe kjo pasi programet sa vijnë e bëhen më të mëdhenj, përditësim pas përditësimi.
Për ta ruajtur një aplikacion në kartën SD ndiq këto hapa:
1. Shko tek Settings dhe nga aty hap “Apps”
2. Zgjidh aplikacionin që do të zhvendosësh
3. Tek detajet e aplikacionit duhet të gjesh seksionin që thotë “Storage”, klikoje atë
4. Në dritaren e radhës trokit mbi “Change” dhe në dritaren e vogël zgjidh “SD card”
5. Tek faqaja tjetër zgjidh “Move”
Dhe kaq, u krye. Kij parasysh sidoqoftë që jo të gjitha aplikacionet mund të zhvendosen në kartë memorie, kjo është së shumti në dorën e zhvilluesit të tij. Disa aplikacione, si Messenger, kërkojnë të jenë të instaluara pasi ke vendosur kartën SD. Në këtë rast, të sugjerojmë t’i bësh uninstall dhe ta instalosh sërish për ta kaluar në SD card.
