Pasardhësit e serisë P40 nga Huawei do të jenë 3: P50 , P50 Pro dhe P50 Pro Plus. Një nga pikat kryesore të shitjes së këtyre smartphone-ve janë kamerat mjaft të mira që ato kanë.
Leaks më të fundit tregojnë se sistemi i kamerave në serinë P50 do të update-ohet me disa nga sensorët më të mirë në treg. Në P50 do të përdoret në kamerën kryesore sensori IMX 707Y (RYYB), në kamerën Ultra-Wide do të përdoret IMX 600 dhe në atë Tele OV08A10.
Nga ana tjetër, P50 Pro do të përdorë të njejtin sensor IMX 707Y për kamerën kryesore, OV64A në atë Ultra-Wide dhe një sensor për lenten 5x. P50 Pro Plus bashkë me këto sensorë do të ketë dhe një ekstra për lenten periscope 10x.
Raportimet e kaluara tregonin se Huawei me shumë mundësi do të ripërdorë proçesorin Kirin 9000 , i cili debutoi në serinë Mate 40, pasi dënimet nga vende të ndryshme e kanë vështirësuar situatën ekonomike për kompaninë.
Smartphone-t mund të vazhdojnë të operojnë në sistemin Android, por duhet të bazohen në aplikacionet që gjenden jashtë Play Store, pasi për momentin ata janë të ndaluar nga Google. Megjithatë ka disa mundësi që Huawei P50 të vijë me sistemin e ri Harmony OS.
