Raportime të ndryshme në internet tregojnë se së shpejti në treg mund të prezantohet një smartphone i ri Coca Cola. Kanë qenë disa adresa të ndryshme në Twitter të cilat kanë nxituar të publikojnë pamjet e para dixhitale të këtyre smartphone-ve, duke përfshirë këtu dhe leaker-in mjaft të besueshëm @iceuniverse.
Me shumë mundësi ky do të jetë thjesht një “veshje e re” që do të aplikohet në një smartphone ekzistues. Kjo do të jetë hera e parë që Coca Cola bashkëpunon në një projekt për smartphone.
Here comes your very first look at the totally new #ColaPhone! Maybe Coca-Cola will cooperate with a top smartphone brand. Can you guess which brand it will be? pic.twitter.com/6ieXvVTTH0
— Ice universe (@UniverseIce) January 24, 2023
Përgjatë viteve ne kemi parë bashkëpunime të shumëta midis kompanive të ndryshme, si përshembull Cyberpunk 2077 me OnePlus 8T, Dragon Ball Z me Realme GT NEO 3 apo Pokemon me Galaxy Z Flip.
Është ende e paqartë se cili prodhues i smartphone-ve Android ka vendosur të bashkëpunojë me Coca Cola. Megjithatë, njerëz të ndryshëm me sy mjaft të mprehtë kanë komentuar në internet dhe tregojnë se ky smartphone mund të jetë një Realme 10 Pro i ribranduar.
Realme 10 Pro është një smartphone midrange që vjen me një ekran 6,7 inç me refresh rate 120Hz, proçesor Snapdragon 695, kamera 108MP si dhe një bateri 5,000mAh. Pritet që në smartphone-in Coca Cola të ketë disa personalizime në sistemin operativ të dizenjuara veçanërisht për këtë bashkëpunim.
