Samsung ka prezantuar versionin e saj të përshtatur të Android 13 përmes One UI 5 në eventin e përvitshëm Samsung Developer Conference dhe tashmë ne kemi mësuar shumë detaje rreth shërbimeve më të reja që do të vijnë në pajisjet Samsung gjatë javëve në vijim.
Samsung ka konfirmuar se One UI 5 do të jetë i pranishëm si një version stabël për përdoruesit në javët në vijim, fiilimisht në smartphone-t premium se seria Galaxy S22, Z Flip 4 dhe Z Fold 4.
Gjithçka nis me ridizenjimin e lock screen. Tashmë ju mund të personalizoni sfondin tuaj, pamjen e orës dhe ngjyrat e përdorura. Një tjetër shërbim tërheqës është dhe ai video wallpaper, i cili ju lejon të luani një video të shkurtër në lock screen-in tuaj.
Samsung ka vensour gjithashtu të sjellë sugjerime të zgjuara për widgets dhe aplikacione në bazë të përdorimit tuaj të përditshëm. Në One UI 5 ju do të gjeni dhe Modes, një shërbim i ri i cili ju lejon të programoni shërbime të ndryshme që të aktivizohen në pjesë të ndryshme të ditës, si përshembull kur stërviteni apo kur flini gjumë.
Bixby Text Call është “përgjigja” e Samsung ndaj Google Screen Calling. Kur ju i përgjigjeni një telefonate përmes Bixby Text Call, personi në anën tjetër të telefonit do të njoftohet dhe ju më pas mund të shkruani atë që dëshironi që Bixby të flasë në vendin tuaj. Shërbimi është aktiv në Korenë e Jugut, ndërkohë që versioni në gjuhën angleze pritet të vijë në fillim të 2023.
Në Samsung Gallery ju do të keni mundësinë të kopjoni tekste nga imazhet.
Në One UI 5 keni të pranishme dhe një menu “Connected devices” si dhe një njoftim të ri në Share Panel që ju lajmëron sa herë që ju shpërndani një fotografi me informacione sensitive.
