Sipas raportimeve të reja, Samsung po punon për integruar një bateri më të madhe në Galaxy Z Flip 6, e cila mund të prezantohet në korrik të këtij viti.
Është GalaxyClub burimi i këtij raporti, dhe për shumë fansa të pajisjeve të palosshme ky është një lajm mjaft i mirë. Seria Z Flip përdor dy bateri të veçanta për shkak të kufizimeve që vijnë me dizajnin e veçantë. Galaxy Z Flip 5 i vitit të kaluar vinte me 2 bateri, njëra me kapacitet 971 mAh dhe tjetra 2620 mAh, pra një total prej 3591 mAh, megjithëse kapaciteti i reklamuar është 3700 mAh.
Por në gjeneratën e re, Samsung supozohet se do të ofrojë bateritë me kapacitet 1097 mAh dhe 2790 mAh, në total 3887 mAh, të cilat do të tregtohen si një njësi 4000 mAh, sipas publikimit holandez. Një kalim nga 3700 mAh në 4000 mAh do të ishte mjaft domethënës për sa i përket performancës së baterisë.
Kjo, në kombinim me përmirësimet që Samsung mund të bëjë në versionet e mëvonshme të softuerit One UI, mund të sigurojë që Galaxy Z Flip 6 të zgjasë shumë më tepër se paraardhësi i tij. Shpresojmë që ky ndryshim do të nxisë kompaninë të ofrojë shpejtësi më të larta karikimi me Galaxy Z Flip 6 të ri, pasi karikimi aktual 25W nuk është më aq konkurrues. Nuk ka detaje shtesë të disponueshme për këtë përmirësim të mundshëm të baterisë. Sidoqoftë, meqenëse Samsung thjesht po teston këto bateri me kapacitet më të lartë, është larg një konfirmim për Galaxy Z Flip 6.
Gjithashtu vlen të theksohet se pritet që të ketë një përmirësim dhe në sektorin e kamerave, ku kamera kryesore pritet të vijë me një sensor 50MP.
Article by: Brenton Benja
