Informacionet më të reja rreth serisë iPhone 15 na tregojnë më tepër rreth ekraneve të këtyre pajisjeve. Nga fotografia e mëposhtme mund të dallojmë 3 xhama mbrojtës të cilët mendohen se i përkasin iPhone 15, iPhone 15 Pro dhe iPhone 15 Pro Max (nga e majta në të djathtë), dhe ndryshimi kryesor është prania e Dynamic Island dhe në modelin jo Pro të iPhone.
Gjithashtu mund të vëmë re se kornizat në modelet Pro janë disi më të holla se në modelin jo Pro.
iPhone 15 dhe iPhone 15 Plus do të pajisen me Dynamic Island, megjithatë ekrani do të jetë sërisht me refresh rate 60Hz dhe nuk do të ofrojë Always-on Display. Një tjetër faktor që do të bëjë diferencën midis modeleve Pro dhe jo Pro do të jetë proçesori. Në modelet Pro do të jetë i pranishëm proçesori më i ri A17, ndërkohë që modelet e rregullta do të pajisen me atë të vitit të kaluar A16.
Përdorimi i materialit të titaniumit në modelet Pro të iPhone 15 do të bëjë që këto smartphone të përballojnë më mirë rëniet nga lartësitë, njëkohësisht dhe më të lehtë. Me shumë mundësi “butonat” e volumit dhe ndezjes së ekranit do të shfrytëzojnë feedback-un 3D Touch të dridhjes, për të indikuar shtypjen e tyre.
Dhe butoni “mute” nuk do të shpëtojë nga ky rifreskim: ju do ta shtypni një herë për të aktivizuar modalitetin mute, më pas do ta shtypni sërisht për të aktivizuar zërin.
iPhone 15 dhe 15 Plus pritet të ruajnë butonat fizikë në strukturën e tyre.
