Avancimi i teknologjisë shkon paralel me përforcimin edhe të materialeve me të cilat vjen, në fund të fundit nëse paguajmë 1000 € për një smartphone së paku duhet të jetë rezistent.
Samsung nuk është mjaftuar me përbërjen e fortë të Galaxy S20 ndaj edhe ka sjellë S20 Tactical Edition, një version i përforcuar për ti shërbyer forcave ushtarake.
Aparati u bë me porosi nga Departamenti i Mbrojtjes së Shteteve të Bashkuara, ai mund të shërbejë në distanca të largëta dhe terrene të vështira por edhe enkriptim të sigurisë të lartë.
Nuk ka akoma shumë detaje për ndryshimet e brendshme të smartphonit por shihet që është i mbështjellë nga një kasë fort e trashë, dhe ngjyrosur me konturet e uniformës ushtarake Amerikane.
Galaxy S20 TE mund të lidhet me radiot taktike të ushtrisë dhe sistemet e misioneve nëpërmjet Private SIM, 5G, Wi-Fi 6 dhe frekuencën 3.5Ghz (e rezervuar për Marinën komunikime satelit – tokë.)
Gjithashtu ky Galaxy ka një cilësim të veçantë në ekran, që e bën të dukshëm edhe për syzet e natës si dhe një “stealth mode” si airplane mode por më ekstrem, i cili çaktivizon LTE, dhe çdo sinjal RF.
Fatkeqësisht Samsung nuk liston një çmim për produktin çka sjell mendimin se ndoshta nuk do ta shohim kurrë në treg për konsumatorin.
