Me kalimin e muajve po shtohen gjithnjë e më tepër raportimet rreth serisë së re të smartphone-ve flagship nga Samsung, Galaxy S24, dhe ne kemi një ide më të qartë se çfarë mund të presim nga këto smartphone.
OnLeaks ka shpërndarë në internet disa renders jo zyrtare dhe specifika të cilat besohet se i përkasin Galaxy S24 Ultra, megjithatë ju mund t’ju duket kjo pajisje si Galaxy S23 pasi ndryshimet në dizajn janë të vogla. Ju mund të shikoni sistemin e kamerave me katër lente të vendosura në të njejtat pozicione si paraardhësi i saj, kënde të theksuara, një hapësirë për S Pen dhe një ekran që duket se është përsëri 6.8 inç. Gjithashtu për sa i përket specifikave, ky leak tregon praninë e një baterie 5,000 mAh me karikim të shpejtë 45 W, ashtu si vitin e kaluar.
Megjithatë ka disa dallime, pasi Samsung Galaxy S24 Ultra mendohet se do të ketë korniza më të holla. Në fakt, ky leak pretendon se ato janë “ndër kornizat më të ngushta të para ndonjëherë në një smartphone“. Dimensionet dhe pesha gjithashtu mund të ndryshojnë pak, me Samsung Galaxy S24 Ultra që thuhet se vjen në 162.3 x 79 x 8.7 mm dhe 233 g. S23 Ultra për krahasim është 163.4 x 78.1 x 8.9 mm dhe 234 g. Kështu që kjo do ta bënte Galaxy S24 Ultra paksa më të shkurtër, më të gjerë, më të hollë dhe më të lehtë se S23 Ultra, ndoshta dhe falë implementimit të materialit titanium në këtë pajisje.
@OnLeaks ndau gjithashtu disa detaje dhe imazhe jozyrtare të Samsung Galaxy S24 Plus. Ato tregojnë një telefon me një pamje të përgjithshme të ngjashme me Samsung Galaxy S23 Plus, por me një flash të kamerës pak të ripozicionuar dhe anët më të sheshta. Me sa duket ka një ekran 6.7 inç, i cili do të ishte pak më i madh se paraardhësi i tij 6.6 inç.
Megjithatë, raportimet tregojnë për një bateri më të madhe 4,900 mAh në Galaxy S24 Plus sesa ajo 4,700 mAh në S23 Plus. Ndoshta më interesantja është se të tre telefonat e serisë S24 do të kenë një ndriçim maksimal të ekranit prej 2,500 nit, që është jashtëzakonisht i lartë, dhe mund edhe 2,000 nits të linjës iPhone 15.
