Moto Razr 2023 pritet të prezantohet së shpejti, dhe Motorola ka nisur marketingun e këtij smartphone-i duke cituar se do të ketë një refresh rate “që do të thyejë rekorde”. Ne mendojmë se ekrani i brendshëm i këtij smartphone-i mund të ketë refresh rate 144Hz, një hap më lart se standardi 120Hz që po përdoret gjithnjë e më tepër në ditët e sotme.
Paneli i përdorur besohet se do të ketë rezolucion 1080p dhe do të ketë madhësi 6.72 inç. Me shumë mundësi do të jetë proçesori Snapdragon 8 Gen 1 që do të fuqizojë këtë pajisje, por është e mundur që të përdoret dhe gjenerata e re Gen 2.
Raportimet mund të mos jenë dhe aq të mira për sa i përkasin baterisë, pasi në rastin më të mirë kjo pajisje do të vijë me 3,500mAh, ndërkohë që në rastin më të keq përdoruesit do të mbeten me vetëm 2,850mAh.
Përdorimi i një baterie kaq të vogël bëhet për shkak se një hapësirë e madhe është e nevojshme për instalimin e ekranit të jashtëm të madh, dhe pse besohet se do të prezantohet dhe një smartphone me cover-screen më të vogël.
Për sa i përket emrit, Motorola mund të përdorë Razr+ 2023 për versionin më të fuqishëm, ose të zgjedhë midis emërtimeve Pro apo Ultra.
