Honor ka prezantuar serinë e parë të smartphone-ve flagship, Magic 3, pas shitjes nga Huawei. Në këtë seri bëjnë pjesë 3 smartphone, Magic 3, Magic 3 Pro dhe Magic 3 Pro Plus që do të shiten fillimisht në Kinë dhe më pas do të shpërndahen në tregun botëror.
Tashmë smartphone-t Honor vijnë me shërbimet dhe aplikacionet e Google, pasi kjo kompani nuk ka më asnjë lidhje me Huawei, që po vuan nga sanksionet e SHBA. Kjo gjë e bën Magic 3 më kompetitiv jashtë territoreve të Kinës në krahasim me versionet e mëparshme.
Magic 3 Pro dhe Pro Plus përdorin proçesorin Snapdragon 888 Plus, ndërkohë që Magic 3 përdor Snapdragon 888. Ato kanë një ekran të harkuar 6.76 inç 1344p OLED me refresh rate 120Hz. Kamerat e pasme ndryshojnë midis varianteve të ndryshme.
/cdn.vox-cdn.com/uploads/chorus_image/image/69714886/HONOR_Magic3_Pro_Front.0.jpg)
Magic 3 ka tre kamera në pjesën e pasme: një kryesore 50MP, një Ultra-Wide 13MP dhe një Monochrome 64MP. Magic 3 Pro shton dhe një kamera telephoto 64MP në sistemin e kamerave, ndërkohë që Pro Plus përdor një sensor më të madh kryesor 1/1.28 inç dhe rrit rezolucionin e kameras Ultra-Wide në 64MP.
Çmimi për versionin bazë të Honor Magic 3 është $1,055, për Magic 3 Pro është $1,290 ndërsa për Magic 3 Pro Plus është $1,760.
