Lufta për një raport sa më të ulët ekran kornizë por pa eliminuar kamerën selfie ka sjellë shumë versione estetike si notch i iPhone punch-hole e Samsung apo kornizat e trasha si Pixel.
Zgjidhja mbetet padyshim sub-display camera, kamera nën ekran dhe derisa të finalizohet do mbetemi akoma me këto zgjidhje më shumë praktike se estetike.
Por më në fund erdhi dita të gëzojmë pasi Visionox një kompani Kineze ka gjetur më në fund zgjidhjen dhe do të sjellë së shpejtë sub-display cameran e parë. Produkti ka kaluar testet dhe është gati për prodhim masiv. Kjo do të thotë se smarphonët kinezë do të kenë përparësi ndaj gjigandëve si Apple apo Samsung.
Për të krijuar këtë kamera të re Visinox ka përdorur një sërë patentash teknologjike në një ekran të dytë i cili rri sipër modulit të kamerës duke e fshehur atë.
Ekrani kryesor dhe ai sekondar janë kalibruar me kujdes për tu përshtatur me rezolucionin, ndriçimin dhe riprodhimin e ngjyrave të njëri tjetrit për të mundësuar një eksperiencë të saktë.
Ngelet për tu parë produkti final, por një kamera nën ekran do të kërkojë sidoqoftë një kompromis mes cilësisë së kamerës dhe asaj të ekranit pasi një lente e papenguar do të ketë gjithmonë epërsi.
Nëse blen një smartphone flagship do të kërkosh natyrisht maksimumin e cilësisë për paratë e paguara por teknologjia nuk është akoma aty ku duhet ndaj do të duhet të presim derisa ta shohim tek emrat e mëdhenj.
Apple dhe Samsung duhet të nxitohen, ky i fundit në fakt është përfolur për prezantimin e kësaj teknologjie tek Note 20 i ardhshëm.
