Nëse je i ri në iOS apo nuk ndërhyn shumë nëpër sistem, je duke lënë mënjanë një sërë funksionesh të cilat do të të shkurtonin shumë punë. Geek Room të mëson si t’i aktivizosh e si t’i përdorësh ato.
1.Si të arrish pjesën e sipërme të ekranit pa të rënë telefoni nga dora.
Nëse iPhone jot është shumë i madh apo dora jote shumë e vogël, nuk ke pse shqyen gishtat, apo të thërrasësh dorën tjetër për ndihmë. Një opsion i quajtur “Reachability” e ul pjesën e sipërme të ekranit deri në poshtë.
–Hap settings
–ShkotekAccesessibility
–Zgjidh touch
–NdizReachability
Duke e rrëshkitur gishtin për poshtë në fundin e ekranit do e sjellësh poshtë cepin më të lartë të tij për të trokitur mbi ikona apo aplikacione.
2.Si të përdorësh Control Center
Nëse vjen nga një iPhone me një buton në qendër, ndoshta nuk e di që po të rrëshkasësh gishtin nga lart djathtas për poshtë do të hapësh panelin e kontrollit. Aty hapet Wi-Fi, ndriçimi, rrotullimi automatik etj. Nëse nuk e dije edhe atë mundesh ta përshtasësh sipas nevojave të tua.
–Hap Settings
–Control Center
–Shko në fund dhe ndiz butonin jeshil krahas secilit opsionqë do të shohësh në dritaren e ControlCenter.
Bonus Point. Si të aktivizoni Dark Mode në iPhone vetëm në mbrëmje
3.Si të përdorësh Widgets
Mini aplikacionet janë shtuar tashmë në iOS 14. Duke rrëshkitur nga e majta në të djathtë në Home Screen do të të shfaqen të gjitha mini versione të programeve që të japin informacione të shpejta. Për të shtuar më shumë të tilla:
-Rrëshkit djathtas derisa të të shfaqet paneli i tyre me një shirit kërkimi sipër.
-Shko poshtë dhe zgjidh butonin “Edit”
-Shtyp “+” lart majtas
-Zgjidh Widgets që do të shtosh
-Trokit Add Widgets
Nëse ndonjë widget që do të shtosh nuk figuron aty atëhere krijoje:
-Pasi të kesh shtypur “Edit” shko poshtë dhe zgjidh “Customize“
-Këtu do të shohësh dritare për aplikacionet të tjera të instaluara në iPhone tënd. Shtyp + jeshil për t’i shtuar.
4.Si të kërkosh gjithçka në iPhone
Nëse rrëshket nga qendra për poshtë kur je në Home Screen ose në menu do të të shfaqet një shirit kërkimi. Nëpërmjet tij mund të gjesh aplikacionin që të duhet, opsionin, materialin etj.
5.Si të ndërrosh aplikacionet lehtë
Gjestet e prezantuara në iPhonët pa buton në mes janë mjaft të dobishëm. Për të mbyllur apo kontrolluar aplikacionet e hapura rrëshkite gishtin nga poshtë lart dhe mbaje shtypur derisa të vibrojë.
Për të ndërruar midis atyre aplikacioneve të hapura mund ta bësh direkt duke mbajtur gishin poshtë e duke e rrëshkitur atë majtas djathtas derisa të gjesh dritaren e hapur të dëshiruar.
Për të shkuar prapa në një aplikacion apo faqe në internet mjafton të rrëshkasësh gishtin nga djathtas majtas. Nëse do të kthehesh prap ku ishe rrëshkit anasjelltas dhe ja ku u bë.
