Në ditë të tilla ku të gjithë e kanë mendjen të udhëtojnë e të lëvizin, jetëgjatësia e baterisë së smartphonit është kyç. Këshillat e më poshtme kanë të bëjnë më shumë e përdorimin afatgjatë sesa atë të kursimit të pak baterie brenda ditës.
1. Kujdes temperaturat.
Njejtë siç kur luan një lojë të vështirë dhe telefoni nxehet e më pas funksionet nuk janë të njejtat, temperatura ka ndikim direkt tek bateria. Në ditë të nxehta vere shmang rrezet direkte të diellit dhe mos e lër brenda në makinë nëse kjo nuk është parkuar në hije. Por edhe temperaturat e ulëta ndikojnë njësoj, ndaj kur të iki vapa me gushtin kujdesu po njësoj.
2. Shmang Fast Charging
Teknologjia e karikimit të shpejtë është vërtetë e dobishme, por bateritë liquid state që përdorim aktualisht janë totalisht të degradueshme, me çdo cikël karikimi bateria prishet pak.
Sa më shpejtë e më shpesh aq më shumë dëm. Ndaj më mirë ta lësh ta përmbushë karikimin normalisht.
3. Përdor Dark Mode
Ekrani është konsumatori më i madh i baterisë, sa më shumë dritë aq më shumë konsum. Ulja e ndriçimit ndikon por jo aq sa modaliteti i errët i cili funksionon vetëm në ekranet OLED. Pjesët e errta të ekranit fikent totalisht.
4. Limito aplikacionet në sfond
Shpesh herë na kap dalldia e shkarkimit të lloj e lloj aplikacioni pa hesap, por edhe pse nuk je duke e përdorur për filtrat më të fubdit, apo nëse nuk je duke e luajtur atë lojën fiksuese, shpesh aplikacionet funksionojnë në sfond teksa komunikojnë me serverat e tyre. Limito aksesin e tyre në rrjet dhe mos lejo të punojnë pa lejen tënde, kjo vendoset tek kategoria e aplikacineve tek cilësimet, ose dukw kontrolluar herë pas here RAM-in e smartphonit.
5. Përdor aplikacionet Lite
Facebook, Messenger dhe shumë aplikacione të tjera kanë nxjerrë versione më të lehta të shërbimeve të tyre, nga kjo mund të përfitojë kush ka aparate më inferiorë, por edhe dikush që nuk i përdor aq shumë si shërbime. E nëse atë aplikacion e hap një apo dy herë në javë çkuptim ka të mbash versionin e plotë sa për të të rënduar smartphonin. Më masa më ekstreme përdor versionet web të atyre programeve.
