Leaker-i i njohur @iceuniverse ka treguar përmes një tweet-i se iPhone 15 Pro Max do të vijë me kornizat më të holla në një smartphone të prodhuar deri më tani. Për momentin smartphone-i me kornizat më të holla është Xiaomi 13.
Që të dy modelet Pro në linjën iPhone 15 pritet që të kenë korniza më të holla dhe më të harkuara në krahasim me iPhone 14 Pro, por nëse informacionet e publikuara nga iceuniverse janë të sakta, iPhone 15 Pro Max do të ketë kornizat më të holla me një ekran 6.7”.
iPhone 15 Pro Max will break the record of 1.81mm bezel black edge held by Xiaomi 13, and we measure that its cover plate black bezel width is only 1.55 mm.（S22 and S23 ≈1.95mm，iPhone 14 Pro 2.17mm） pic.twitter.com/9TBrVCGSCo
— Ice universe (@UniverseIce) March 17, 2023
Me pak fjalë versioni Pro Max pritet të thyejë rekordin e kornizave vetëm 1.81mm që mbahet nga Xiaomi 13, duke arritur një gjerësi prej vetëm 1.55mm. Për krahasim, iPhone 14 Pro ka korniza me gjerësi 2.17mm, ndërsa Samsung Galaxy S23 Ultra 1.95mm.
Një ndryshim që Apple pritet të bëjë në linjën e iPhone 15 është harkimi i kornizave në anësi, në mënyrë të ngjashme me iPhone 11, ndërkohë që anësitë do të përbëhen nga materiali titanium, duke zëvëndësuar çelikun inoks.
Me shumë mundësi butonat anësorë fizik nuk do të jenë të pranishëm në gjeneratën e re të smartphone-ve iPhone 15. Nëse ju shtypni në zonat specifike, një feedback nëpërmjet dridhjes do t’ju njoftojë për ngritjen/uljen e zërit apo shtypjen e butonit të ndezjes së ekranit.
