Periudha e pranverës është zakonisht zona e nxehtë ku leaks dhe parashikimet për iPhone e radhës bëhen më të sakta. Kjo pasi Qershori është zyrtarisht muaji ku fillon edhe prodhimi masiv i tyre, por edhe detajet fizike u shpërndahen kompanive prodhuese të kasave mbrojtëse, ndaj sipas infove të reja ja si do të duket nga jashë iPhone 12 Pro Max.
Besohet se kjo gjeneratë do të dallojë nga të tjerat pasi anët e apartot do të jenë të sheshta dhe jo të harkuara si më parë, pak a shumë si versioni i iPhone 5 dhe 4, estetikë e prezantuar edhe tek iPad-i i ri.
Nga ana tjetër pritet të jetë më i hollë, nga 8.1mm në 7.4mm.
Ekrani do të jetë OLED 6.7-inch por në përgjithësi smartphoni do të jetë më i gjerë e më i gjatë.
Ndërkohë edhe korniza e ekranit do të jetë shumë më e hollë deri në 40% në të katërta anët, çka do ishte një bukuri e vërtetë për tu parë.
Sa i takon setit të kamerave, sigurisht që sensori i ri LIDAR do të zërë vendin e katërt në një gungë e cila do të qëndrojë e njëjtë në përmasa sidomos për nga trashësia, por duke marrë parasysh që vetë trupi do të jetë i më i hollë ngelet për tu parë si do të duket.
Diametrat e sensorëve pritet të jenë më të mëdhenj çka fton aludime për përmirësime hardware-ike, super!
Ndryshime do të vijnë edhe për ballinën e ekranit, ku gjurma e kamerës dhe sensorëve të FaceID do të jenë ndryshe në design por edhe më të vegjël.
Vijat e antenës anash priten të jenë më të gjëra dhe afërmendsh, pasi nevojitet për 5G.
Një ndryshim i çuditshëm ka të bëjë me folenë e kartës SIM, e cila ka emigrusr në krahun tjetër. Aty ku ishte SIM-i dyshohet për një gjurmë Smart Connector. Aspekt i diskutuar prej vitesh por asnjëherë nuk e ka parë dritën e diellit.
Në total do të jenë 4 versione dhe pritet të lançohen diku nga fundi i 2020.
