Me fillimin e MWC 2023, ku Geek Room dhe Neptun janë të pranishëm për të informuar ndjekësit me inovacionet më të reja nga teknologjia, Honor ka vendosur të prezantojë smartphone-t e rinj Magic 5 Pro dhe Magic V (të palosshëm).
Në pamje të parë, Honor Magic 5 Pro duket i ngjashëm për nga dizajni me Magic 4 Pro, pasi përmban të njejtin dizajn të ishullit të kamerave si dhe të njejtin ekran 6.81 inç LTPO. Megjithatë nëse shikojmë në pjesën e brendshme të smartphone-it do të vëmë re disa ndryshime.
Një shtim tepër i rëndësishëm është përdorimi i proçesorit Snapdragon 8 Gen 2, që vjen me një performancë të lartë dhe më tepër efiçiencë. Honor ka shtuar gjithashtu një antenë të dedikuar Wi-Fi dhe Bluetooth që do të japë një përmirësim me 200% të performancës në Wi-FI dhe reduktim të latency me 30%.
Honor lajmëron se Magic 5 Pro vjen më nje bateri silikoni dhe karboni, duke ofruar një densitet 12.8% më të lartë energjie. Kapaciteti i baterisë është rritur gjithashtu në 5,450mAh nga 5,100mAh. Shpejtësia e karikimit është ulur nga 100W në 66W për karikimin me kabllo dhe nga 100W në 50W për karikimin wireless.
Ishulli i kamerave është i përbërë nga kamera kryesore 50MP, ultrawide 50MP, ajo telephoto 50MP, që zëvëndëson sensorin 64MP të vitit të kaluar si dhe një sensor ToF.
Për sa i përket Honor Magic Vs, proçesori që do të fuqizojë pajisjen do të jetë Snapdragon 8+ Gen 1, që shoqërohet nga bateria me kapacitet 5,000mAh . Ekrani i jashtëm ka madhësi 6.45 inç, ndërkohë që ekrani i brendshëm i palosshëm ka madhësi 7.9 inç. Është mësuar se versioni me 12/512GB memorie do të kushtojë €1600.
