Të gjitha pajisjet që do të migrojnë në HarmonyOS 2.0 do të mund të ruajnë aplikacionet dhe të dhënat nga sistemi operativ i mëparshëm (përjashtim bëjnë aplikacionet e Google). Megjithatë Huawei kërkon të krijojë një të ardhme ku HarmonyOS do të ketë aplikacionet e saj në vend të aplikacioneve të dizenjuara për Android.
Në deklaratën e fundit, Huawei tregoi se më tepër se 4 milionë developers janë regjistruar në platformën Harmony dhe se në këtë sistem operativ gjenden rreth 134,000 aplikacione që përdorin HMS Core. HMS Core po vazhdon të evoluojë dita ditës, me lançimin e versionit 6.0.
Për të rritur këto numra, kompania prezantoi Huawei HMS Global Application Innovation Competition 2021, e cila fton developers nga çdo vend për të krijuar aplikacione inovative të bazuara në HMS Core. Çmimi për fituesin e këtij kompeticioni do të jetë $1 milionë, mirëpo Huawei do të përfshijë dhe disa çmime praktike si marketing support dhe cloud resources.
Huawei pretendon se HarmonyOS është ekosistemi i 3-të më i madh në botë, me më tepër se 10 milionë përdorues, dhe pse tani jemi vetëm në fazën e parë të këtij sistemi operativ.
