Google do të lëshojë Android 16 më vonë gjatë këtij viti. Android 16 do të jetë versioni më i ri i Android, dhe megjithëse kemi parë tashmë dy developer previews për të, ka ende shumë që nuk dimë për ndryshimet që do të përfshihen në përditësim. Megjithatë, është e sigurt se Google po përgatit ndryshime të mëdha të ndërfaqes së përdoruesit për Android 16. Këto përfshijnë jo vetëm ndryshime në panelet e Quick Settings apo Notifications, por edhe në panelin e kontrollit të volumit dhe volume slider.
Kur Android 15 u prezantua vitin e kaluar, ai solli një ridizajnim të madh në panelin e volumit. Paneli i ri i volumit përmbante sliders shumë më të trashë, në formë pilule, një pikë në fund të çdo rrëshqitësi dhe ikona të ndryshme për të heshtur shpejt volumin e sistemit, njoftimeve apo thirrjeve.
Megjithatë në Android 16, paneli i volumit largon rrëshqitësit e trashë në formë pilule në favor të rrëshqitësve më të hollë dhe elegant. Ky dizajn i ri bie më shumë në përputhje me udhëzimet e Google Material Design 3. Disa prej jush mund të mos jenë adhurues të dizajnit më të ri dhe më të thjeshtë të panelit të volumit, por thjeshtësia e tij e bën më të lehtë vlerësimin e nivelit të saktë të volumit.
Android Authority ka paraqitur disa fotografi ku tregon ndryshimet e bëra në këtë panel midis dy versioneve të ndryshme të Android 15 dhe 16.
Google po punon gjithashtu për të përditësuar ndërfaqen e vogël të kontrollit të volumit që të përputhet me këtë dizajn të ri. Siç mund ta shihni më poshtë, kjo ndërfaqe në Android 16 do të jetë më pak e rrumbullakosur. Tre pikat në fund, të cilat hapin panelin me volum të plotë, janë pak më të vogla në dizajnin e ri.
Është e mundur që Google ta braktisë plotësisht këtë dizajn, pasi jemi ende në një version paraprak të Android 16, megjithatë mbetet për t’u parë në të ardhmen
